Kaatolikennihu Odoote Xaawira kulloonni garinni, Badheessa 25, 2022 Kaatolikete Qeesichi Firansisi Maariyaami misilera albaanni uurre “ille ximbiiˈle umo heeshshi yee huuccatto assino.” Isi keeru daafira “Maariyaami huuccino.” Qoleno Vaatikaani Odoote rippoortera kulloonni garinni, “Qeesichu mannu ooso daafira hakko iso Ruusiyunna Yukireenete daafira Keeraancho Maariyaamiwa huuccatto assino.”

 Atera maa lawannohe? Misilete albaanni uurrine huuccatto assiˈra woy misilla magansiˈra garaho? Hanni aante noota Qullaawu Maxaafi qummeeshshuwa hedi:

•   “Gordohono ikko baattote, baattote woroonni wayi giddo noorichinnino ikkiro magansiˈrate yitine ayee misileno seekkidhinoonte. Kaphu magannara kumbuultinoonte; insano magansidhinoonte. Ani [“Yihowa,” Haaro Alame Tiro] hinaasaancho Maganooti.”—Fulo 20:4, 5. a

•   “Insa magansidhannoti kaphu maganna kayinni, mannu anganni birrunninna culkunni seekkinoonnite. Afuu noonsana, dicoyidhanno; ille noonsana, dilaˈanno. Macca noonsana, dimacciishshitanno; Sano noonsana, diulattanno. Anga noonsana, diamaddanno; lekka noonsana, dihadhanno; mitte huurono dinonsa. Seekkitunsarinna addaxxitannonsari baalu, insa gedeere ikkitanno.”—Faarso 115:4-8.

•   “Suˈmiˈya Kaaliiqaati; ayirrinyeˈya gutamannohu wolu magani dino; misillano galataˈya beeqqitara dihasiˈreemmo.”—Isayaasi 42:8.

•   “Kaphu maganna magansiˈratewiinni xooqqe!”—1 Qorontoosi 10:14.

•   “Kaphu magannawiinni umoˈne agadhe!”—1 Yohaannisi 5:21.

 Misilla horoonsiˈne magansiˈrate daafira Qullaawu Maxaafi mayyaannoro ledde afate, “Qullaawu Maxaafi Yaannore—Misilla” yaanno birxicho nabbawi woy Maganu Iso Magansiˈrate Misilla Horoonsiˈnannita Baxanno? yitanno viidiyo lai.

 Aante noo hajo daafirano Qullaawu Maxaafi mayyaannoro afa hasiˈrattoha ikkara dandaanno:

•   “Seemo Maariyaami—Qullaawu Maxaafi Ise Daafira Mayyaanno?”

•   “Seemo Maariyaamiwa Huuccatto Assiˈra Hasiissanno?”

•   “Maalalenna Ekera—Maganuwiinni Dagganno Malaattaati?”

•   “Uulla Keere Afidhannohu Hiittoonniiti?”

Photo credit: Vincenzo Pinto/AFP via Getty Images