ZINGO NA LANGO! N° 3 2021 | Eskê Nzapa la acréé aye kue? Mo tene ti mo nyen?
Azo ayeke na abango nde nde na ndö ti lege so dunia nga na fini abâ gigi na ndö ti sese. Zingo na lango! so ayeke aidé mo ti bâ polele ambeni ye so apika bê ti zo na ndö ti tënë so nga ti bâ ye so mo doit ti sara. Eskê dunia abâ gigi gï tongaso wala Nzapa la acréé ni? Ti hinga kiringo tënë ti hunda so apeut ti ga na mo aye ti nzoni mingi.
Bango ndo ti mo ayeke so wa?
Ahunda na ndö ti création nga na lege so fini abâ gigi ahon gbungo li ti azo mingi.
Ye so e peut ti manda na lege ti aye so ayeke na yâ ti dunia
Na bango ni, aye so ayeke na yâ ti dunia nga na sese a leke ni ti tene azo avivre dä. Eskê aye ni ayeke tongaso ndali ti so a créé ni crééngo?
Ye so e manda na lege ti aye so ayeke na fini
Aye so ayeke na fini asara si sese ayeke tâ pendere mingi. Aye so ayeke na fini afa na e nyen na ndö ti lege so fini abâ gigi?
Ye so ascientifique apeut ti fa ape
Eskê ascientifique apeut ti fa tongana nyen la dunia nga na fini abâ gigi?
Ye so e manda na lege ti Bible
Eskê ye so Bible afa ague oko na aye so ascientifique afa?
Ngbanga ti nyen la a yeke kota ye ti hinga so Nzapa ayeke dä?
Tongana aye so afa polele so Nzapa so ngangu ti lo ahon angangu kue ayeke dä na mo yeda na ni, mo yeke wara aye ti nzoni laso nga na yâ ti angoi so ayeke ga.
Gi ti hinga aye so afa polele so Nzapa la acréé aye kue
Mo wani mo gi ti hinga ndani so mo mä na bê so Nzapa so acréé aye kue ayeke dä.
