Bible afa polele so Jésus azingo lani azo so akui. Tënë ni so ayeke pëpe mbeni senge tënë ti tere; ye ni lani apasêe biani na ambeni ndo so azo ahinga ni lani nga na ambeni mbilimbili ngoi. Na tapande, na ngu 31, Jésus na ambeni gbâ ti azo alondo na Capernaüm ti gue na Naïn. Na singo ti ala kâ, ala tingbi tere na ambeni gbâ ti azo ni. Mo lingbi biani ti mä na bê na tënë ti zingongo azo so asi lani na pekoni so, ndali ti so a sara tënë ni na yâ ti Bible nga ndali ti so ye ni asi na devant ti atémoin ni kue.—Diko Luc 7:11-15.

Jésus azingo nga lani kamarade ti lo Lazare, so akui a sara lango osio. Mo lingbi ti mä na bê na ye so Jésus asara na lango ni so, ndali ti so gbâ ti azo la abâ nga ni lani.—Diko Jean 11:39-45.

Jésus azingo lani azo ndali ti so mawa ti ala asara lo. Lo zingo nga azo ti fa so Babâ ti lo, so ayeke Zo so acréé aye kue, amû na lo ngangu na ndo ti kuâ.—Diko Jean 5:21, 28, 29.

Tënë ti zingongo ti azo so Jésus azingo ala lani asara si e yeke na confiance na azendo so lo mû na ndo ti kekereke. Lo yeke zingo ande gbâ ti azo, so na popo ni a yeke wara nga azo ti mbilimbili pëpe, so ayeke azo so ade ti hinga lani ye oko na ndo ti tâ Nzapa pëpe. Ala kue ayeke wara ande lege ti hinga Jéhovah Nzapa na ti ye lo.—Diko Kusala 24:15.