TOUR TI BA NDO N° 1 2018 | Eskê Bible aga ngbene ye awe?
ESKÊ BIBLE AGA NGBENE YE AWE?
Eskê Bible aga ngbene ye awe, so laso e lingbi ti wara gbâ ti asango na lege ti aye so science asigi na ni so? Bible atene:
“Atënë kue ti yâ ti Mbeti ti Nzapa, a sû ni na gbe ti yingo ti Nzapa, na a yeke nzoni.”—2 Timothée 3:16.
Numéro ti Tour ti Ba Ndo so ayeke fa na e aye so afa so Bible alingbi ti mû maboko na e na yâ ti aye kue.
Eskê afango ye ti Bible aga ngbene ye awe?
So laso zo apeut ti wara gbâ ti asango gï na yâ ti kete ngoi so, ngbanga ti nyen ti gi awango na yâ ti Bible, so a yeke mbeni mbeti so a sû ni asara angu 2 000 tongaso awe so?
Aye so Bible afa angbâ lakue na ngangu
Même tongana a wara afini sango na ndö ti ambeni ye, afango ye ti Bible ayeke mû lakue maboko na zo nga angbâ na ngangu lakue.
Bible aga ngbene ye awe wala lo fa ye kozo si azo ahinga?
Bible ayeke livre ti science ape, me awango so lo mû si andu science alingbi ti dö bê ti mo.
1 Bible alingbi ti aidé mo ti kpe akpale
Bâ tongana nyen la awango ti yâ ti Bible a-aidé gbâ ti azo ti kpe ti akota kpale ti yâ ti gigi.
2 Bible alingbi ti aidé mo ti leke akpale
Bible amû awango ti ndara so alingbi ti aidé e ti hon même ndö ti akpale so aninga awe na so asara e nzoni ape, na tapande kota gingo bê, bibe ti pusungo lakue lango ti aye so mo doit ti sara na peko, nga na bibe ti dutingo gï mo oko.
3 Bible alingbi ti aidé mo ti gbu ngangu na yâ ti akpale
Tongana nyen la mo peut ti hon ndö ti akpale so zo alingbi ti kpe ni ape nga alingbi ti leke ni ape, na tapande kobela so alingbi ti sava ni ape wala kuâ ti mbeni zo?
Bible nga na gigi ti mo ti kekereke
Mbeti ti Nzapa apeut ti aidé e ti leke akpale so e yeke tingbi na ni na ndembe so, so ti tene akpale ti lâ oko oko so e kue e yeke tingbi na ni na yâ ti dunia ti kirikiri so. Me Bible akiri a-aidé e mingi ahon so. A aidé nga e ti bâ ye polele na ndö ti aye so alingbi ti si kekereke.
Mo tene ti mo nyen?
Bâ tene so ambeni zo atene nga na ye so Bible wani atene na ndö ti hunda ni so.
