TOUR TI BA NDO N° 1 2022 | Hon ndö ti bibe ti kengo zo

JOUÉ NI

Kengo zo ahon ndö ni na yâ ti dunia. Azo ayeke ke amba ti ala na alege mingi. Na tapande, a peut ti duti tënë ti mara, tenengo asioni tënë wala sarango ye ti ngangu. Eskê bibe ti kengo zo ayeke hunzi ande mbeni lâ? A-article ti yâ ti mbeti so ayeke fa tongana nyen la Bible apeut ti aidé mo ti hon ndö ti bibe ti kengo zo. A yeke fa nga zendo so Nzapa amû ti hunzi bibe ti kengo zo biani biani.

Mo peut ti hon ndö ti bibe ti kengo zo

Ngbanga ti nyen la bibe ti kengo zo ayeke ngbâ gï ti gue tongaso? Azo ayeke fa ka bibe ni so tongana nyen?

Ngbanga ti nyen la bibe ti kengo zo ayeke ngbâ gï ti gue tongaso?

Bible afa ndo so bibe ti kengo azo alondo dä, ndani so azo ayeke ke amba ti ala, nga ndani so laso azo ayeke kanga bê na amba ti ala ape.

Lege ti hon ndö ti bibe ti kengo zo

Afango ye ti Bible a-aidé azo ti changé ti ga mbeni nzoni zo ahon ti kozo.

LEGE TI HON NDÖ TI BIBE TI KENGO ZO

1 | Sara kangbi na popo ti azo ape

Zi na yâ ti bê ti mo asioni pensé so mo ayeke na ni na mbage ti ambeni zo na mungo tapande ti Nzapa so asara kangbi na popo ti azo ape.

LEGE TI HON NDÖ TI BIBE TI KENGO ZO

2 | Gi ti kiri pëpe peko ti sioni so a sara na mo

Tongana mo sara confiance na Nzapa so fafadeso lo yeke hunzi ande aye ti sioni kue, a yeke aidé mo ti hon ndö ti bibe ti kiringo peko ti sioni so a sara na mo.