Jésus amû yanga na adisciple ti lo ti tene ala gue “ala sara si azo na popo ti amara kue aga adisciple.” (Matthieu 28:19, 20). Na ngoi so Jésus atokua lani akozo disciple ti lo ti fa tënë, lo tene na ala ti gue ti wara azo ni na yanga-da ti ala. (Matthieu 10:7, 11-13). Na peko ti kuâ ti Jésus, akozo Chrétien angbâ lani ti fa tënë ti Nzapa “na lê ti azo dandara nga da na da.” (Kusala 5:42; 20:20). E yeke mû tapande ti akozo Chrétien na e bâ so fango tënë da na da la ayeke tâ nzoni lege ti wara azo ti fa tënë na ala.