Arègle ti confidentialité

•  E yeke bâ asango so mo mû na nene ni

•  Tënë na ndö ti zo so ayeke bâ lege ti asango so mo mû

•  Tënë na ndö ti batango asango so mo mû

•  Amolenge

•  Ambeni site nde so e tokua azo dä

•  Changengo atënë ti yâ ti arègle ti confidentialité so

•  Script na Javascript

Bâ nga

• Arègle so abâ dunia kue ti aTémoin ti Jéhovah na ndö ti batango asango

• Arègle so abâ dunia kue na ndö ti sarango kua na asango so zo amû

• Arègle so abâ dunia kue na ndö ti sarango kua na acookie nga na ambeni ye ni nde

E yeke sara kue ti bata asango so mo mû na e na ndö ti mo nga e yeke ne ni. Arègle ti confidentialité so a fa ni ge so afa tongana nyen la a yeke sara kua na asango nde nde so e mû na ndö ti mo wala so mo mû na e na ndö ti site ti e. Tongana mo gue na ndö ti site ti e, e yeke bata ambeni kpengba sango na ndö ti mo nga e hinga so ayeke kota ye ti bata asango ni so nzoni na e yeke fa na mo ye so e yeke sara na asango ni so. Tongana mo ye mo peut ti mû na e asango na ndö ti mo. “Asango na ndö ti mo” so asara tënë ni na yâ ti arègle ti confidentialité so aye ti sara tënë ti aye tongana iri ti mo, adresse mail ti mo, adresse postale ti mo, numéro ti téléphone ti mo nga na ambeni sango ni nde so apeut ti mû lege ti tene a hinga na mo. Ti gue na ambeni place so ayeke na ndö ti site ni, so a zia ni ngbanga ti azo kue, mo bezoin ti tene mo fa ambeni sango na ndö ti mo ape. Tongana a sara tënë ti “site” a ye ti sara tënë ti site so nga na ambeni site ti e ni nde, na tapande apps.isa4310.com, tv.isa4310.com, stream.isa4310.com, nga na wol.isa4310.com.

Site so ayeke ti Watchtower Bible and Tract Society of New York, Inc. (“Watchtower”), so ayeke mbeni ndokua na gbata ti New York so ayeke sara kua ti wara ye na pekoni ape. Ndokua ni so la si ayeke bâ lege ti kua ti aTémoin ti Jéhovah nga na kua ti ala ti fango Tënë ti Nzapa. Tongana mo yeda ti zi mbeni compte, wala mo ye ti mû mbeni offrande, wala mo ye ti hunda ti tene a manda Bible na mo, wala ti sara mbeni ye so a yeke hunda na mo ti tene mo mû asango na ndö ti mo, a ye ti fa so na bê ti mo kue la mo yeda na arègle ti confidentialité so nga mo yeda ti tene a bata asango ni so na ndö ti aserveur ti e so ayeke na États-Unis na Amerika. A ye nga ti fa so mo ye ti tene Watchtower nga na andokua so ayeke sara kua maboko na maboko na aTémoin ti Jéhovah na akodro nde nde a bungbi asango ni, a bâ ni, a tokua ni ti tene a bata ni tongana a bezoin ti tene a sara ni tongaso. Bungbi ti e aTémoin ti Jéhovah ayeke sara kua na yâ ti akodro oko oko na lege ti andokua nde nde. Ti gue oko na andia so andu tënë ti batango asango, andokua ni so apeut ti duti aCongrégation, andokua ti aTémoin ti Jéhovah ti kodro ni nga na ambeni abungbi ni so ayeke sara kua maboko na maboko na aTémoin ti Jéhovah.

Azo so ayeke traité asango so mo mû na ndö ti mo wani ayeke nde nde, a dépend aye nde nde so mo ye ti sara na ndö ti site ni. Na tapande, tongana mo sara mbeni offrande na mbeni bungbi so ndia ahinga ni na yâ ti mbeni kodro, a yeke mû iri ti mo nga na contact ti mo so mo sû na ngoi ti mungo offrande ni so na bungbi ni. Mbeni tapande ni nga nde ayeke so, tongana mo hunda ti tene a manda na mo Bible, a yeke mû iri ti mo nga na contact ti mo na ndokua ti aTémoin ti Jéhovah ti kodro ni nga na mbeni congrégation ti ala ti ndo so mo yeke dä ti tene a sara ye so mo hunda so.

Ti aidé mo, tongana kodro so mo yeke dä ayeke na ambeni ndia so a lu na ndö ti tënë ti batango asango, mo peut ti contacté e na a-adresse so a yeke na ndö ti page so a tene Data Protection Contacts (Batango asango: A-adresse).

E bâ tënë ti batango asango na ndö ti mo na nene ni mingi. E yeke sara kua na afini kode ti batango aye ti bata asango ti mo nzoni tongaso si mbeni zo nde so ayeke na droit na ndö ni ape awara ni ape, asara kua na ni kirikiri ape, afa ni na azo kirikiri ape, achangé asango ni ape, a-effacé ni sân ti tene ndia la ayeda na ni ape, wala ti tene e perdre asango ni kirikiri ape. Azo kue so e mû ala ti tene abâ ndo na ndö ti asango so mo mû, nga na ambeni site nde so e na ala e yeke sara kua maboko na maboko, ahinga so ala doit ti bata asango so mo mû ni nzoni nga ti ne ni. E yeke bata asango ti mo ni nzoni juska ti tene a sara ye so mo ye ti tene a sara so awe si wala ti tene a sara ye alingbi na aye so ndia ahunda na ndö ti tënë ti batango asango.

Na ngoi so e yeke mû asango ti mo ni, e yeke bata ni nzoni na sarango kua na kode so a iri ni TLS (Transport Layer Security). E yeke sara kua na mbeni kode ti informatique so azo kirikiri la ayeke wara accès na ni ape. Na ando so si a yeke bata asango so mo mû na e dä, a mû ambeni mesure ti tene a bata a-appareil ni, a sara kua na ambeni kode ti informatique ti bata ni nga a zia ambeni procédure ti sécurité ti bata asango so mo mû na e so. E yeke bâ lakue nzoni si a bata asango ni so, tongaso si mbeni zo nde awara ni ape.

Tongana mo gue na ndö ti site ti e na yâ ti mbeni kodro so na lê ti ndia a bâ mo tongana zo so ade molenge, mo lingbi ti mû asango na ndö ti mo na ndö ti site ni gï tongana babâ wala mama ti mo wala zo so na lê ndia, lo la lo yeke bâ ndo na ndö ti mo, ayeda na ni si. Tongana mo yeke babâ wala mama, wala mo la na lê ti ndia mo yeke bâ ndo na ndö ti mbeni molenge, si mo yeda ti tene molenge ni amû asango na ndö ti lo na ndö ti site so, aye ti fa so mo yeda na arègle ti confidentialité so na ndö ti tënë ti sarango kua na asango so molenge ni amû.

Na ambeni ngoi, mo yeke wara ambeni lien na ndö ti site so, so ayeke tokua mo na ndö ti ambeni site nde so e yeda ti sara kua maboko na maboko na ala (na tapande ti remplir ambeni formulaire na ndö ti internet). Tongana mo yeke na ndö ti site ni so, mo yeke hinga ni ndali ti so lê ti site ni ayeke nde nga adresse so ayeke na yâ ti barre d’adresse ti navigateur ti mo ayeke changé. Na ngoi so e yeke soro asite ni so si e yeke tokua azo dä, nga ngoi na ngoi na peko ti so e soro ala, e yeke gi ti hinga nzoni tongana nyen la ala yeke bata asango so a mû na ala ti bâ wala ala yeke sara a-oko ye so e yeke sara ti bata asango so a mû na e. Tongana mo yeke na mbeni hunda na ndö ti arègle ti confidentialité ti mbeni site so e tokua azo dä, e hunda na mo diko ni na ndö ti site ni.

E yeke zia lakue ambeni fini ye na ndö ti site ti e, nga e yeke manke ape ti leke yâ ti ambeni ye so ayeke déjà na ndö ti site ni awe tongaso si aga nzoni ahon ti kozo. Teti so achangement ni so ayeke si lakue nga ndali ti so a yeke changé ka andia na ndö ti aye so andu technologie, ngoi na ngoi kode ti sarango kua na asango so azo ayeke mû na e na ndö ti ala ayeke changé nga. Tongana e bâ so a lingbi e changé arègle ti confidentialité ti e so, e yeke fa achangement kue so a sara na yâ ni na ndö ti page so, tongaso si lakue mo hinga asango wa la e yeke mû na ndö ti mo nga e yeke sara kua na ni tongana nyen.

Aye so a iri ni script ayeke aye so a yeke sara na kua ti mû lege na site ti e ti sara kua nzoni. A yeke sara si a tokua asango hio na mo. Site ti e ayeke sara kua lâ oko ape na ni ti installé mbeni logiciel na ndö ti ordinateur ti mo wala ti mû asango na ndö ti mo sân ti tene mo yeda na ni.

Ti tene ambage nde nde ti site ti e ni atambela nzoni, a lingbi zo afa na yâ ti navigateur ti lo so lo ye ti sara kua na script wala na JavaScript. Mingi ti anavigateur ti internet amû lege na zo ti yeda wala ti yeda pëpe ti sara kua na script ndali ti ambeni site. Bâ place ti mungo maboko ti navigateur ti mo ti hinga tongana nyen ti yeda ti sara kua na script na ndö ti asite ti bê ti mo.