‘Ạitu pa ‘es la ‘is la mȧür ‘oaf‘oaf ma noh hạia‘leleiạg se av se ‘es a‘ofige ‘e parataisi ‘e rȧn te‘!

Kop ma ‘äe la a‘häe ne, ‘Tē te‘is la sok tapen?’ Puk Ha‘a ‘ea ne Pure‘ag ‘on ‘Ạitu täla a‘sokoa. ‘Ạitu pa ‘es la famori la rakoa Pure‘ag ta ma ‘on ‘amnạki se ‘isa.​—Salamo 37:11, 29; Aisea 9:7.

‘Ạitu pa ‘es la ‘is la pō‘ia ‘on ‘es‘ao.

Fak se ö‘fā leleit ne hea‘ tē lelei se ‘on lä‘riri‘i, ‘os ö‘fā faklạgi hea‘ la ‘is la noh ‘oaf‘oaf se av se ‘es tohiget ne tore. (Aisea 48:17, 18) Iạ porȧk vạhia ne le‘et ne “rē‘ia fiongar ‘on ‘Ạitu la fūmou se av se ‘es gata‘aga ne tore.”​—1 Jone 2:17.

‘Ạitu pa ‘es la ‘is la la‘la‘ ma ‘e sal ‘on‘ono.

Puk Ha‘a ‘ea ne iạ ne fup‘ȧk tē pa ‘es la “rak‘ạkia se ‘isa ‘on sala” la pō la ‘is la “la‘la‘ ma ‘e sal ‘on‘ono.” (Aisea 2:2, 3) Iạ hil vạhia ta “kạuạg famorit se ‘on asa” la foar‘ia ‘on fiongaro se rȧn te‘ ‘atakoa.​—Garue 15:14.

‘Ạitu pa ‘es la ‘is la hugag ‘esea ‘e ‘os titi‘ạkiga se ia.

Titi‘ạkiạg ma‘ma‘ ‘on Jihova kat väea ra famori, ka iris hugag ‘esea ‘e hanis aire. (Jone 13:35) Sei ta rak‘ȧk tean fā ma hạina ‘e te‘ ne utu la titi‘ȧk se ‘Ạitu ‘e hugag ‘esea? La ‘inea tē hoi‘ȧk  ‘ạmis ‘ihia ‘äe la hat ‘e puk he te‘is.