Xikwembu Nkulukumba a djula leswaku hi hanya hi la ku nga helikiki hi ku zrula ni ku nyonxa a misaveni leyi nga paradeyisi!

Kambe, u nga ha hlamala, u ku: ‘Xana swoleswo swi nga yentxekisa kuyini?’ Bibele dzri hlaya leswaku Mfumu wa Xikwembu Nkulukumba wu ta swi yentxa leswo, nakone i ku zrandzra ka Xikwembu Nkulukumba kuva vhanu va dondzra mayelanu ni Mfumu ni nkongometo wakwe.​—Amapsalma 37:11, 29; Ezaya 9:7.

Xikwembu Nkulukumba a djula leswaku hi pfuneka.

Swanga hi leswi tatana lwenene a navelelaka vanakwe leswinene, Tatana wezru lwa nga tilweni a djula leswaku hi tikholisa hi ku tsrhava loku nga helikiki. (Ezaya 48:17, 18) A dumbise leswaku ‘lwa yentxaka ku zrandzra ka Xikwembu Nkulukumba, a tsrhama hi la ku nga helikikiki’.​—1 Yohan 2:17.

Xikwembu Nkulukumba a djula leswaku hi famba a mintileni yakwe.

Bibele dzri hlaya leswaku Mutumbuluxi wezru a djula ku hi ‘dondzrisa tindlela takwe’ akuva ‘hi ta famba hi mintila yakwe’. (Ezaya 2:2, 3) Yene a lulamisele ‘a tiko ledzri taka txhuliwa hi vito dzrakwe’ akuva dzri yentxa leswaku ku zrandzra kwakwe ku tiviwa a misaveni hinkwayu.​—Amintiṛo 15:14.

Xikwembu Nkulukumba a djula leswaku hi mu gandzrela hi wumun’we.

A matsrhan’wini ya ku yahlukanisa vhanu, a wugandzreli lebyi xwengiki bya Yehovha bya va tlhanganisa hi lizrandzru dzra xihlayelamfuzri. (Yohan 13:35) I vamani lava namunhla wa siku va dondzrisaka vhanu a mimbangwini hinkwayu akuva va tizrela Xikwembu Nkulukumba hi wumun’we? Ha ku zramba leswaku u kuma nhlamulo hi ku dondzra xibukwana lexi.