Саво о Иисусо сас пар пэстэ?
Со ԥэнэнпэ андэ Библия?
Саво о Иисусо сас пар пэстэ, нико точно на ӷанэн, важ кода кай андэ Библия ворта пала када на ԥэнэнпэ. Важ када на трэбуй фартэ тэ шас сама, саво сас о Иисусо пар пэстэ. Но андэ Библия исин дэсавэ гиндоря пала када.
Саво во сас па муй? О Иисусо сас евреё и можэт шоласпэ пэ семиторя па ла датири риг (Евреям 7:14). Лэстири внешность на сас варисави нэобычно. Еқвар о Иисусо чоралэс авеля анда Галилея андо Иерусалимо, и лэс на ӷатярдэ (Иоанна 7:10, 11). Кадяжэ машкар пэстирэ ученикоря, во нэ отличался пар пэстэ. Вспомним, кай дажэ о Иуда Искариот трэбуй сас тэ сыкавэл по Иисусо лэ манушэнди, савэ сас холинатирэ, кай тэ ӷанэн, кас тэ залэн (Матфея 26:47—49).
Савэ лэстэ сас бал? Сас ли кай о Иисусо лунги бал? Андэ Библия ԥэнэнпэ, кай «если о мурш ԥиравэл лунги бал, када лажаварэл лэс» (1 Коринфянам 11:14).
Сави лэстэ сас шор? О Иисусо ԥиравэлас шор. Во ритярэлас о иудейско законо, андэ саво ԥэнэнаспэ лэ муршэнди: «На римон о краё кай и шор» (Левит 19:27; Галатам 4:4). Ай инке андэ Библия, кала росԥэнэнпэ пала лэ Иисусости страдания, кадяжэ пистромэ пала шор (Исаия 50:6).
Саво во сас пэса? О Иисусо сас састо пар пэстэ. Кала росԥэнэнас пала Дэл, во бут ԥирэлас пешком (Матфея 9:35). Дуварэс во очищял иудейско храмо, пэрэшолас столоря кодэлэнди, ко парувэлас и ловэ. Ай еқвар о Иисусо стердя чукни, и видарадя анда храмо лэ скотос (Луки 19:45, 46; Иоанна 2:14, 15). Андэ инцыклапедия Макклинтока и Стронга ԥэнэнпэ: «Везде андэ штар книӷи, кай пистромэ пала лэ Иисусостири жызня, дицол, кай лэ Иисусостэ сас лашо зор и во сас састо» (T.IV.C. 884).
Со дицолас па лэско муй. Иисусо сас добро и сострадательно, и када дицолас пэ лэско муй (Матфея 11:28, 29). Всаворэ мануша цырдэнаспэ лэстэ, важ кода кай во подритярэлас и дэлас помощь (Луки 5:12, 13; 7:37, 38). Дажэ лэ бэятонэнди сас лэса драго (Матфея 19:13—15; Марка 9:35—37).
Нэправильни гиндоря пала кода, саво о Иисусо
И мануша вигиндосардэ, кай дэсавэ гиндон кай лэ Иисусостирэ папоря жувэнас андэ Африка.Андэ книӷа Откровение лэстирэ бал сыстон ла шэрстяса, ай и пэрнэ, сар «вужо харкумо, андо росԥабардо бов» (Откровение 1:14, 15).
Но па чачимастэ, и книӷа Откровение пистромэ «символичиски»(Откровение 1:1). Кода, сар пистромэ пала лэ Иисусостирэ бал и пэрнэ сыкавэл лэстирэ качестворя посли воскресения. Но када на сыкавэл, саво сас о Иисус пар пэстэ, кала жувэлас пэ ԥув. Андэ Откровение 1:14, пистромэ, кай «лэстирэ бал по шэро сас, сар парни шэрсть, сар о ӥв», и дума катэ жал пала цвето, ай най пала структура. Парнэ бал сыкавэн мудрость, сави авэл бэршэнца (Откровение 3:14). Андэ кадэва стихо на ԥэнэнпэ, савэ сас пар пэстэ лэ Иисусостирэ бал, важ кода кай вонэ сыстонпэ най кати ла шэрстяса, но и лэ ӥвэса.
Андэ видении лэ Иисусостирэ пэрнэ сас, «сар вужо харкум, росԥабардо андо бов» (Откровение 1:15) Ай о муй «ԥаболас, сар о қам» (Откровение 1:16). Важ кода кай нинай кацави нацыя, андэ сави лэ манушэндэ авелоп кацаво цвето кай и тила, кадэя видения трэбуй тэ полас символически. Када сыкавэл, кай о воскресшо Иисусо котэ, кай и мануша лэс нэ моӷут тэ диқэн (1 Тимофею 6:16).
И мануша вигиндосардэ, кай о Иисусо сас чишлоро.
Но па чачимастэ, о Иисусо сас смило. Например, во на дарайля тэ вижал каринг и холинатирэ мануша, савэ авелэ тэ залэн лэс (Иоанна 18:4—8). Кадяжэ можно тэ полас, саво во сас дэ зорало па кода, кай во терэлас разни изделия анда каш пэстирэ вастэнца (Марка 6:3).
Васо тоди о Иисусо нэ моӷ тэ андярэл пэско столбо екжэно? И васо во муля раньшэ аврэ манушэндар, савэн казнили вмести лэса? (Луки 23:26; Иоанна 19:31—33). Ԥаримос, саво виритярдя о Иисусо англа пэстири казнь, одля лэстар бут зор. Во на сутя вся и рят, важ кода кай лэсти сас ԥарэс по ди (Луки 22:42—44). Андэ кодэя жэ рят лэс мучинас и иудеёря, ай утром и римляноря (Матфея 26:67, 68; Иоанна 19:1—3). И через вся када во май ӥто муля.
И мануша вигиндосардэ, кай о Иисусо фартэ прилэлас вся каринг оди и вся и время сас ӷрусно.
Но па чачимастэ, о Иисусо андярэлас пэс точно кадя жэ, сар лэско небесно Дад, Иегова, пала саво андэ Библия ԥэнэнпэ, кай во «бахтало Дэл» (1 Тимофею 1:11; Иоанна 14:9). Кадя жэ о Иисусо сытярэлас аврэн, сар тэ авэн бахталэ (Матфея 5:3—9; Луки 11:28). Важ када можно тэ полас, кай о Иисусо сас радосно и бахтало.
Тути кадяжэ можэт тэ авэл интересно
ESSENTIAL BIBLE TEACHINGS
Катар амэ ӷанас, кай и Библия лэ Дэвлэстар?
Если и Библия лэ Дэвлэстар, тоди вой на шолпэ ни пэ ек авэр книӷа.
ПАЛА АМЭНДЭ
Манг, кай тутэ тэ авэн
Подэн дума пала вопросо, саво тути интересно, или уӷан май бут пала лэ Иеговастирэ свидетеля.