Дэсавэ манушэнди ԥарэс тэ любин лэ Дэвлэс. Вонэ гиндон, кай о Дэл дур, и ни пэрсо на шол сама или дажэ жэстоко. Акэ дэсавэ примероря:

• «Мэ мангавас лэ Дэвлэстар помощь, но андэ кодэя жэ время мэ полавас, кай во дур лэ манушэндар, кадя дур, кай нисар на до мангэсапэ лэсти. Важ мандэ о Дэл сас варисо нэ обиснимо, савэстэ нинай нисави жалость» (Марко, Италия).

• «Хоть мэ и анда вся ди камавас тэ кандав лэ Дэвлэс, манди здэласпэ, кай во дур мандар. Мэ гиндосаравас, кай о Дэл строӷо — сар кодэва, ко кати и ӷанэн амэн тэ наказывает. Мэ нэ думала, кай во можэт тэ жалуий анда вся оди» (Розо, Гватемала).

• «В децтви мэ гиндосаравас, кай о Дэл виродэл амэндэ и ошыбки и аштярэл подходящё время, кай тэ накажэт. Потом мэ лэм тэ гиндосарав, кай лэ Дэвлэсти амэ на трэбуй. Важ мандэ во сас, сар ӷлава андо правительство, саво терэл дила андо ӷосударство, но пэ мануша во совсем на шол сама» (Раймонда, Канада).

Ай со гиндос ту? Чаче лэ Дэвлэс ԥарэс тэ любис? И христианоря фартэ бут бэрша идоси гиндон пала кадэва вопросо. Интересно, кай андэ фартэ дэлмутни время май бут христианоря, савэ жувэн андэ разни страны дажэ на мангэнаспэ лэ небеснонэ Хуласти лэ Дэвлэсти. Васо? И мануша фартэ даранас лэстар. О учоно Уилло Дюранто ԥэндя пала када кадя: «Ко кацавэ и прости, ӷрешни мануша, кай моӷут тэ взвинпэ каринг о Дэл андэ молитва, сави жал каринг лэ Дэвлэско дурутно троно, савэстар марэл и дар?»

Сар вижыля, кай пала Дэл линэ тэ гиндон, сар пала кодэва, ко «фартэ дур и савэстар жал и дар»? Сости па чачимастэ сытярэл и Библия? Можэт о чачимос пала Дэл тэ поможый тути тэ полюбис лэс?