Ei, sostar o Del kamel te aven le manush kidine te luvudin les. E Biblia phenel: “Te las sama iek avrestar te sikavas kamlimos ai te keras o mishtimos, ai te na mekas te chidas amen” (Hebreos 10:24, 25, La Biblia. Traducción del Nuevo Mundo [NWT]).

 O Jesus phendias ke leske disipluria sas te aven savorhe kidine kana phendias: “Gadia savorhe zhanena ke tumen san murhe disipluria: te kamena tumen iek avres” (Juan 13:35, NWT). Te sikaven ke kamenpe sar o Jesus phendias trobun te denpe avre manushentsa kai lenpe pala o Jesus. Pala godia, trobunas te alosaren uni giesa anda o kurko te aven kidine te luvudin le Devles (1 Korintiana 16:19). Savorhe sas te aven iek foro phralengo pe sa e lumia (1 Petri 2:17).

Na numa trobun te aven anda iek religion

 E Biblia sikavel ke le manush trobun te kidenpe te luvudin le Devles. Numa chi phenel ke iek manush shai avel drago le Devleske ferdi sostar si anda iek religion. Trobul te thol ande pesko traio so sikiol. Iek ejemplo si kana e Biblia phenel: “Le devlekane kai si vuzhi ai chachi angla Del amaro Dat si te le sama katar le sirotki ai katar le phivlia ande pengo chino, ai arakh tu katar le dieli la lumiake kai sai rimon tu” (Iakov 1:27).