O Jesus phendias ka peske disipluria: “Avena murhe marturia [...] pe sa e lumia” (Le Apostolengo 1:8). Le marturia le Jehovaske thon but pendar te keren kacha buki ilesa. Numa, ande uni riga chi aresliam te ningeras e viasta, ke uni foruria si desia bare ai ande aver si but manush. Ai vi, ande but thema nai but Marturia (Mate 9:37, 38). So keras te aresas ka mai but manush?

 Te keras sa so phendias o Jesus, o Comité de Servicio katar le Phral kai Ningeren kal marturia le Jehovaske tradel phralen te predikin kal thema kai mai trobulpe. Agies si 3.090 phral kai zhan te predikin ande but thema. a But anda lende sikile ande iek escuela kai sikavel pa e Biblia, sar e Escuela para Evangelizadores del Reino. Von alosarde te meken penge khera ai mukisaile ande aver thema. Te azhutin le kolavren te ningeren le lashe viesti, von usisarde sa so sikile pa o chachimos ai le lashe prame kai si len. Gadia thon iek baro ejemplo kal neve disipluria.

 Ande suako kher Betel e Sección de Ministros en el Campo del Departamento de Servicio ai o Comité de Sucursal keren buki te den so trobulpe kal phral te predikin ande aver thema. Azhutin len te arakhen iek kherorho, len sama lendar ai den len vareso love te train. Ande amaro borsh kai kerdiam buki 2020, le marturia le Jehovaske dine 27 millonuria dolaria te azhutin kal phral kai zhan te predikin ande aver thema. Pala godia, kakala phral shai thon pengi zor ai pengo ilo te ningeren le lashe viesti ai te zuriaren le phralen kasa kidenpe.

 So keren le phral kai zhan te predikin ande aver thema? O Frank Madsen, iek phral katar o Comité de Sucursal anda Malaui, phendias: “Kakala phral defial zurale le, azhutisarde avre phralen te predikin kai nai vuzhoro sar andel vitsi ai kai del pe duma aver shib. Von si iek lasho ejemplo, ke savorhe dikhen e zor kai thon te sikion o zakono ai e shib kai zhan. Vi azhutisarde kal terne te mai kamen te den pengi vriama te predikin. Trobus te naisis but ka o Jehova pala kakala lashe phral”.

 Iek phral anda o Comité de Sucursal katar aver them, phenel: “Le phral kai zhan te predikin avrial sikaven ke le marturia le Jehovaske sam iek foro kidino makar sam anda but thema. Vi le manush kai nai Marturia den po gor ke e vitsa chi duriarel amen. So sikiuas pa e Biblia kerel te avas iek bari familia pe sa e lumia”.

 Kana aresen, sar azhutin le phralen kai beshen ando them? O Paulo, anda Timor Oriental, naisil zurales e buki kai keren kai kidenpe kakala phral. Vo phenel amenge: “Katse kerel baro tatimos ai le phral aven katar iek rig kai kerel baro shil, numa o tatimos chi terdiarel len. De diminiatsi kidenpe amentsa mai anglal te zhas te predikis ai makar kerel but tatimos, mai ambolden kal manush kai ashunde len. Butivar von zhan te predikin zhi kai perel o kham. Azhutisarde ka but manush te prinzharen o chachimos ai naisiu te avau iek anda godola manush. Den sa pengo traio te keren buki ilesa le Jehovaske, ai kako azhutil le phralen te mai kamen te luvudin le Devles”.

 E Ketti iek phei anda Malaui, phenel sar kakala phral azhutisarde ka laki familia. “Numa me luvudivas ka o Del ande murhi familia kana astarde te kidenpe amentsa. Azhutisarde man but ai kerdile amiguria katar sa murhi familia. Murhe shave sikile lendar ke e veselia chachi avel kana luvudis ka o Jehova. Pala so kerde, murhe trin shea den anda pengi vriama te predikin ai murho rhom akana kidelpe amentsa”.

 Katar anklen le love te las sama katar le phral kai zhan te predikin ande aver thema? Katar so das amendar ando donate.isa4310.com te kerdiol e buki pe sa e lumia. Naisis tumenge kai den ilesa.