Ande but thema le amperetsii phende le manushenge te aven dur iek avrestar ai te na chidenpe. Le marturia le Jehovaske kamas te keras so mangle, numa chi kamas te mekas te chidas amen, pala godo, amare khangeria chidenpe po videoconferencia ando Zoom.

 Te shai chidas amen sar kerasas, le mursh kai si alome te ningeren amen dikhle ke sas vorta te lelpe andal love kai diam amendar te pokinen o Zoom te shai chidenpe amare khangeria. Kako azhutisardias but kal khangeria ke nashtinas te pokinen 15, 20 dolaria ai mai but. Kakala khangeria chidenaspe ivia po Internet, numa sas len uni bedi. Pala godo, e organizacion pokindias lenge o Zoom te shai thonpe but manush ai te zhal mishto o chidimos numa le zhenentsa kai si akharde. Zhi akana, mai but de 65.000 khangeria ande mai but de 170 thema chidenpe gadia.

 E khangeri Kairagi, kai si ando foro Manado (katar Célebes Septentrional, Indonesia) meklias te chidelpe po Internet ivia ai astardias te kerel les po Zoom kai dias les e organizacion. O phral Hadi Santoso phenel: “Vi le phral kai nai vushoro lenge Internet, shai chidenpe veselime ke chi shindiol o chidimos”.

 O Lester Jijón, kai si phuro ande khangeri katar Guyacanes Oeste, katar Guayaquil (Ecuador), phendias: “Sar nai but love kal phral, but andal khangeria nashtinas te pokinen o Zoom te shai chidenpe savorhe. Akana ke amari organizacion pokindias o Zoom, shai chidas amen savorhe ai shai akharas le manushen te chidenpe amentsa”.

 O Johnson Mwanza, iek phral katar e khangeri Norte Nqwerere katar o foro Lusaka (Zambia), ramosardias: “But phral phende amenge: ‘O Zoom kai pokindias e organizacion na numa azhutil amen te aliaras amen mai pashe katar amare phral vi kerel te aliaras o kamlimos kai si les o Jehova karing amende’”.

 Le love te pokinelpe o Zoom liaspe andal love kai si amen te azhutis le phralen kai nakhen pe but dieli chorhe. Kakala love chidenpe anda so den le phral te azhutin te kerdiol e buki pe sa e lumia. Von den anda pengi voia ando donate.isa4310.com. Nais tumenge pala sa so den tumendar ke azhutin te arakhen le phralen pe sa e lumia (2 Korintiana 8:14).