Соске калка мануша си боркха радостна? Он посетинен йекх амаре конгресиендар. Сарто е Девлескере служителя андо минало требинелас те киден пес трин дром андо бреш, аме–да лошанас те кидас амен заедно по–баре групенде. (Второзаконие 16:16) Секо бреш иси амен трин конгреся: дуй йекхе диесескере окръжна конгреся тай трине диесенгоро регионално конгреси. Сави полза иси амен далкхе събраниендар?

Укрепинен амаро християнско братство. Сарто о израилтяня лошаненас те прославинен е Йеховас „машкар о кидиме множества“, аме–да лошанас те поклонинас амен леске заедно далкхе специалноне събраниенде. (Псалм 26:12; 111:1) Освен далкхесте он ден амен възможност те дикхас амен тай те общувинас Йеховаскере Свидетеленца авере сборовиендар тай дори авере държавендар. Презал и обедно почивка хас маро заедно ко тхан е конгресиескоро. Давкха керел и атмосфера далкхе събраниенде панда по–приятно. (Деяния 2:42) Отхе изпитинас лично и любов, която обедининел „о цело братство“ ко светос. (1 Петър 2:17)

Помагинен аменге те напредвинас духовно. Освен далкхесте е израилтяниен сине полза, соскето ‘ахальовенас о думес’, колато уле обясниме ленге. (Неемия 8:8, 12) Аме–да ценинас о библейско обучение, ковато получинас амаре конгресиенде. Ленгери програма си основиме упрал йекхе библейсконе темате. Чрез интересна проповегя, симпозиуми тай представяния сикльовас сар те керас е Девлескери воля амаре животосте. Насърчинас амен кана шунас о случкес околенгере, колато успеинен те живинен сар християня далкхе трудноне диесенде. Ко регионална конгреся иси пиесес, колато керен о разказя е Библиякере те оживинен англал аменде тай сикавен амен практичноне урокиенде. Секоне конгресиесте иси покръстване околенге, колато манген те сикавен, кай си отдиме е Девлеске.

• Соске о конгреся ден амен бари лошали?

• Сави полза ащи те овел тут ако присъствинес йекхе конгресиесте?