GILI 105
„O Devel tano mangipe“
(1. Jovanovo 4:7, 8)
-
1. O Devel amen mangela,
ov tano o mangipe.
Ako e Devle mangaja,
manušen da ka manga.
Primer but baro o Isus,
mangipe te sikava.
Samo agjaar amen šaj
bahtale but te ova.
-
2. Keda e Devle mangaja,
ka kera šukaripe.
Ked peraja plo vas dela
te šaj palem te ušta.
Mangipe vilestar čisto,
but bukja ka trpinel.
Ako e phralen mangaja,
sa o greške ka bistra.
-
3. Nekogaš pharo i tuke
te mange sar o Devel.
Tegani tu molin leste
sa vilestar te mange.
O Devel ka del tut sila
mangipe te sikave.
Keda e Devle mangea,
sarinen tu ka mange.
(Dikh hem Mar. 12:30, 31; 1. Kor. 12:31 — 13:8; 1. Jov. 3:23.)