Ваљани ли те молинав ман е светцонге?
Со вакерела и Библија:
На. И Библија вакерела кај ваљани те молина амен само е Девлеске хем адава е Исусеске ко анав. О Исус вакерѓа пле учениконге: „Молинен тумен аѓаар: ,Амаро Дад со сиан ко небо, те славинел пе тло свето анав‘“ (Матеј 6:9). Ов никогаш на вакерѓа пле следбениконге те молинен пе е светцонге, ангеленге или некаске јавереске освен е Девлеске.
Исто аѓаар, о Исус вакерѓа пле учениконге: „Ме сиум о друмо хем о чачипе хем о живото. Никој на авела ко Дад, освен преку манде“ (Јован 14:6). Шај те ава англо Девел само преку о Исус (Евреите 7:25).
Со ако молинава ман хем е Девлеске хем е светцонге?
Ки јекх прилика кеда о Сатана искушинѓа ле, о Исус вакерѓа: „Е Јехова, те Девле, обожавин ле хем само леске служин“ (Матеј 4:10). О Девел родела те ова леске верна. Адава значинела кај ваљани те молина амен само леске (Исаија 48:11).
Ако молинаја амен е светцонге или е ангеленге, вреџинаја е Девле. Кеда о апостол Јован мангља те поклонинел пе јекхе ангелеске, о ангели чхинавѓа ле хем вакерѓа леске: „Ма кер адава! Ме да сиум робо сар ту хем тле пхраља, коленге сој дендо те сведочинен башо Исус. Поклонин тут е Девлеске!“ (Откровение 19:10).
Шај исто ка интересинел тут
ОДГОВОР БАШО БИБЛИСКА ПУЧИБА
Соске те молина амен е Исусеске ко анав?
Дикх сар адава со ка молине тут е Исусеске ко анав сикавела кај ценинеа хем поштујнеа ле хем лескере Даде.
