GIĽI 106
Amari laska mi labol furt buter a buter!
(1. Korinťanom 13:1–8)
-
1) Amare čekata sklaňinas,
modľitbaha pro vušt paťiv vzdas.
Les hin nekbuter savorestar
laska sar e jag, so džal lestar.
Choč sar aňjelis vakerďalas,
so olestar, te na avľahas
tut laska, so o Del sikavel,
so sar e jag taťipen šaj del.
-
2) E laska hin furt trpezlivo,
na dikhel ča čaro peskero.
Lačhi hin, o pľetki na kerel,
krivdi pro jakha na čhivkerel.
E laska zľidžal sa, furt labol,
sa birinel avri, na cikňol.
Oj paťal, dufinel – furt ela,
bo oj ňigda na preačhela.
(Dikh mek Ján 21:17; 1. Kor. 13:13; Gal. 6:2.)