Èské néna bann fim, bann liv oubien bann chanson ké lé intèrdi pou bann Témoin Jéova ?
Non. Na poin pèrsone dan lorganizasion lé la pou rogard si néna bann fim, bann liv oubien bann chanson ké lé bon pou nou. Poukosa ?
La Bib i ankouraj chakèn « juj » par li mèm pou gingn fé la diférans ant sak lé bien é sak lé mové (Ébré 5:14, Segond 21).
Kan li choizi in lamuzman, in krétien i doi fé in kont èk bann prinsip inportan la Bib. a Pou lamuzman é dan dot zafèr, sak nou vé sé « kontinié rod sak i kontant lo sénièr » (Éfézien 5:10).
La Bib i aprann anou ké lo chèf la famiy néna in lotorité donk li pé désid intèrdi détroi lamuzman pou son famiy k’i abit ansanm li (1 Korintien 11:3; Éfézien 6:1-4). Mé si lé pa dan la famiy, pèrsone néna lo droi désid si in fim, in chanson oubien in chantèr lé bon ou lé pa bon pou in Témoin (Galat 6:5).
a Par égzanp la Bib i kondane tout sak i mèt anlèr bann pratik démoniak, bann péché sèksuèl oubien la violans (Détéronom 18:10-13; Éfézien 5:3; Kolosien 3:8).
Agard sa osi…
DÉSIN ANIMÉ SU TABLO
Bann je vidéo : Kisa i gingn vréman ?
Pou amuzé, bann je video lé dos ! Mé ou pe tonm dan in gob. Koman ou pe vréman ganié, san fé bèrn aou ?
