Paraiso Allpaga pactamunalla maushca
1. Ali gustu Allpaibimi,
cushiyasha causangui.
Can causashca pistuibiga,
yapactalla sumac ricurin.
Ñucanchi ailluguna,
ñalla causaringauna.
Paraiso Allpaga,
pactamunalla maushca.
2. Caran punzha camba causai,
ali gustu sumac man.
Pishcuguna cantashcahuan,
camba shungu cushi sintirin.
Pucushca muyutami,
cushiyasha pallangui.
Cai sumaglla causaiga,
pactamunalla maushca.
(CHICAN TUNU)
Cunanmi ña cushiyasha,
sumaglla huiñai causaungui.
Turmintu ña mana tianzhu.
Cunanmi ña maltayangui.
3. Tucui sami runaguna,
cushiyasha cantanaun.
Mana imas pishingachu.
Can munashca shina causangui.
Jehova Diosta pagrachunchi.
Ali shungu Yaya man.
Mushuc huiñai causaiga,
pactamunalla maushca.
(CHICAN TUNU)
Causarishcata ricusha,
muscuibi shina sintini.
Ailluguna causaricpi,
yapactami cushiyani.
4. Gustu Paraiso,
cungaimanda shamunga.
Jehova Dios rimashca shina,
cushillami huiñai causasha.
Diospi sinzhita quirisha,
turmintuta binsisha.
Ali sumac causana,
cungaimanda pactamunga.
