“Toleranciaca traquilo causai tiachunmi ayudai ushan” (UNESCO Declaración de Principios sobre la Tolerancia, 1995).

 Cutin toleranciata na charijcunaca shujcunataca na respetanllu, millanayachitapapashmi ricun. Shina sintirishpami paicunapa parlocunahuan shujcunata millanayachishcata, na ricunayachishcata, maltratangapaj munashcatapash ricuchinajun.

 Shinapash, tolerancia ima cashcamandaca gentecunaca shuj shuj yuyaicunatami charin. Huaquin gentecunaca toleranciata charij gentecunaca tucui laya ruraicunata, comportamientota aguantanallami can yashpami crin. Cutin shujcunaca, Bibliapa nishcapi apoyarishpami toleranciata charij gentecunaca na de acuerdo cashpapash cada unopa decisiongunata, crishcacunata respetan.

 Bibliaca ¿cunan punllacunapipash gentecuna ciertopacha toleranciata chari ushachun ayudaita ushanllu?

Toleranciamanda Bibliapa yuyai

 Bibliaca toleranciata charichunmi ayudan. Bibliapica ninmi: “Na quiquingunapa nishcahuan yalingapaj munajcuna cashcataca, tucuicunami ricuna can” nishpa (Filipenses 4:5). Bibliaca shujcunahuan justo cachun, consideracionhuan, juyaihuan tratachunmi animan. Talvez huaquingunaca cai consejohuan na de acuerdo cashpa o shuj gentecunapa yuyaicunata catishpapash, cada uno paicuna propio decisiongunata japichunmi saquin.

 Shinapash Bibliapica, Taita Diosca ali causachunmi gentecunamanga mandamientocunata cushca nishpa. Bibliapica ninmi: “Huañuna aichayu runalla. [Taita Diosca], ñami cambaj ima ali canatapash villarca” nishpa (Miqueas 6:8). Shinallata Bibliapica gentecuna cushilla causachun Taita Dios instrucciongunata cushcatami yachachin (Isaías 48:17, 18).

 Taita Diosca ñucanchimanga shujcunata juzgana derechotaca na cushcachu. Bibliapi nishcashnaca, “Leycunata Churadorca shujllami tian, Juezpash shujllami tian […] Cutin quiquinga, quiquinba projimota juzgangapaca ¿pita canguiyari?” (Santiago 4:12). Taita Diosca ñucanchicunataca cada uno ima decisiondapash japishpa responsable cachunmi saquishca (Deuteronomio 30:19).

Respetomandaca Bibliaca ¿imatata nin?

 Bibliapica ninmi: “Tucui clase o tucui laya gentecunatami respetana capanguichi” nishpa (1 Pedro 2:17). Shinaca, Bibliapi mandashcacunata cazushpa causajcunaca imapi crijpipash, imashina causajpipash tucui gentecunatami respetohuan tratan (Lucas 6:31). Caica Bibliapa consejocunata cazujcunaca, shujcunapa tucui crishcacunahuan, opinioncunahuan o shujcunapa tucui decisiongunahuan de acuerdo cashcata o apoyashcataca na nisha ninllu. Ashtahuanbash nali o millaita tratanapa randica, shujcunata Jesushna tratangapami esforzarin.

 Por ejemplo, shuj viajeca Jesusca shuj religionda charij huarmihuan tuparirca. Chai religionhuanga Jesusca na de acuerdo carcachu. Shinallata chai huarmica na cazarashpatami shuj jarihuan causajurca. Chaitapash na apoyashpapash, Jesusca chai huarmitaca respetohuanmi tratarca (Juan 4:9, 17-24).

 Jesusta catijcunaca Jesushnallatami tucui gentecunaman paicunapa crishcacunata parlangapaj listo can. Shinapash, paicunaca ‘tucui shunguhuan respetashcata ricuchishpami parlan’ (1 Pedro 3:15). Bibliapica Jesusta catijcunataca shujcunapa yuyaicunata respetachunmi animan. Shinallata, gentecuna diferente crishcacunata charijpipash, “Taita Diosta sirvijcunaca na pliturijunachu can. Chaipa randica tucuicunahuanmi ali ali cana can” ninmi (2 Timoteo 2:24).

Shujcunata millanayachishpa ricunamandaca, Bibliaca ¿imatata nin?

 Bibliapi “tucuicunahuan tranquilo ali causanatami mascana capanguichi” ninmi (Hebreos 12:14). Tranquilo ali causanata mascajcunaca shujcunataca na millanayachishpa ricunllu. Shinallata paicunapa crishcacunata na ladoman saquishpa shujcunahuan tranquilo ali causangapaj esforzarin (Mateo 5:9). Ashtahuangarin Bibliapica Jesusta catijcunataca contracuna nali tratajpipash, paicunata juyaihuan tratachunmi animan (Mateo 5:44).

 Bibliapica ninmi, shujcunata llaquij o pingaipi churaj ruraicunataca, Taita Diosca “ninandami fiñan” o “ninandapachami millanayachin” nishpa (Proverbios 6:16-19). Shinapash, Bibliaca cai partepi “ninandapacha millanayachin” nishpaca, shungumanda nali ruraicunata millanayachishcata ricuchingapami churashca. Bibliapica yachachinmi, gentecuna paicunapa causaita cambiangapaj munajpi, Taita Diospa mandashcacunata cazungapaj esforzarijpica Taita Diosca perdonangapaj, ayudangapaj listomi can nishpa (Isaías 55:7).

Bibliapa cai textocunami toleranciamanda respetomanda parlan

 Tito 3:2: “Ama imagumandapash ñapash culiranajuchun, ali shungu cachun y tucui gentecunahuan tranquilo cachunbash yarichingui”.

 Mateo 7:12: “Shinaca, imatami cangunamanda rurachun munanguichiman, chaitallatami shujcunamandapash rurana canguichi”.

 Josué 24:15: “Maijan diosta servina cashpapash, cangunallata agllaichilla”.

 Hechos 10:34: “Taita Diosca tucuicunatami igual ricun”.

 Habacuc 1:12, 13: Taita Diosca ‘nalitaca napacha ricunayachinllu’.

 Romanos 12:19: “Taita Dios culirashcata ricuchichunmi, paipa maquipi saquina capanguichi. Porque Taita Dios escribichishca shimipica nijunmi: ‘Ñucami vengarisha. Ñucami paicunamanga paicuna imata miricishcata cusha’ ninmi Jehová Diosca”. a

 Jehová Diosca vengarina derechotaca pimanbash na cushcachu. Paillatami shuj punllaca paicuna imata miricishcata cunga. Caimanda ashtahuan yachajungapaca, “Cai mundopica ¿ima horaspash justicia tiangacha?” temata ricupangui.