Mundo enteromanda ashtaca llactacunapimi gobiernocunaca gentecunapura caru carullapi cachun mandashpa, tucui laya tandanajuicunata ama rurachun mandashca. Testigo de Jehovacunaca gobiernocuna mandashcata cazushpapash, tandanajushpa Jehová Diosta adoranataca na saquingapaj munapanchichu. Chaimandami congregaciongunaca tandanajushpa Jehová Diosta adorangapaj, Internetpi Zoom programata utilizashpa tandanajuicunataca rurashpa catishcanchi.

 Congregacionguna tandanajuicunata rurashpa catichunmi, Cuerpo Gobernanteca contribucionmanda tandachishca culquiguhuan Zoom programapa cuentacunata Jehovapa organización randichun aprobashca. Huauquin congregaciongunaca Zoom programapa shuj cuentata randingapaca 15 ó 20 dolarcunata, o ashtahuan pagangapaca culquiguta na charircachu. Chai congregaciongunaca Zoom programapa gratis nishcatami utilizanajurca. Chaimi huaquin gentecunalla conectarita usharca. Chai programapash na seguro carcachu. Cunanga Jehovapa organización randishca cuentahuan Zoom programata utilizanajuj congregaciongunapa tandanajuimanga, ashtaca ashtaca gentecunami conectarita ushan. Maijanbash yangata tandanajuiman ama conectarichunbashmi ricuriaita ushan. Cunanbica 170 yali llactacunapi, 65.000 yali congregaciongunami Jehovapa organización randishca cuentahuan Zoom programata utilizanajun.

 Manado-Indonesia llactapi, Kairagi congregacionga Zoom programapa gratis nishcata saquishpami, Jehovapa organización randishca cuentahuan Zoom programata utilizai callarirca. Hadi Santoso huauquica ninmi: “Computadorata, tablet nishcata o celularta na ali utilizanata yachaj huauquipanicunapashmi, cutin cutin na desconectarishcamanda tandanajuicunapica cushijushca canata yachan” ninmi.

 Guayaquil-Ecuador llactapi, Guayacanes Oeste congregacionmanda anciano Léster Jijón huauquica ninmi: “Pobrella huauquipanicuna caimandami, ashtaca congregaciongunaca Zoom programapa shuj cuentata randitaca na ushanmanllu carca. Chaimandami huauquigunalla tandanajuimanga conectarita ushanman carca. Cunanga, Jehovapa organización, Zoom programapa cuentacunata randishcamandami, ashtaca ashtaca gentecuna chai ratollata tandanajuiman conectarita ushan. Chaimi mashna gentecunapash tandanajuicunaman conectarichun invitaita ushanchi”.

 Lusaka-Zambia llactapi, Ngwerere Norte congregacionmanda anciano Johnson Mwanza huauquica escribircami: “Ashtaca huauquicunaca ninmi: ‘Jehovapa organización randishca cuentahuan Zoom programata utilizashpaca, ñucanchi huauquipanicunahuan ashtahuan ladollami sintirinchi. Ashtahuanbash Jehová Dios ñucanchita juyashcata, cuidajushcatami cuenta japinchi’ ninmi” nircami.

 Terremotocuna tiashpa, yapata tamiashpa, urcu tujyashpa llaquichijpi ayudangapaj separashca culquiguhuanmi Zoom programapa cuentacunataca randishcanchi. Chai culquigutaca, obra mundial nishcapa contribucionda churashcamandami tandachishcanchi. Ashtacacunami Internetpi, donate.isa4310.com paginaman yaicushpa contribuciongunataca churashca. Pagui quiquingunapa contribucionmanda. Chai culquiguhuanmi, terremotocuna tiashpa, yapata tamiashpa, urcu tujyashpa o shuj llaquicuna tiashpa llaquichijpipash mundo enteropi ayudashpa catita ushapanchi (2 Corintios 8:14).