Bibliamanda tapuicuna
¿Unai unaicaman causaita usharingacha?
Gentecuna unai unaicaman causachunga ¿imatata Taita Diosca rurashca?
Adanga ashtaca ashtaca huatacunatami causarca. Shinapash, Taita Diosta na cazuimandami Adanga rucuyashpa jipamanga huañurca. Chaimandapachami gentecunaca rucuyashpa ama huañungapaj imacunatapash ruranajushca. Shinapash Adanba huahuacuna caimandaca tucuillacunami juchayujcuna nacirishpa huañunchi. (Génesis 5:5; Romanos 5:12, liipangui.)
Unai unaicaman causangapaj munashpaca juchamanda, huañuimanda pipash ñucanchita salvachunmi minishtircanchi (Éxodo 21:29, 30; Job 33:24, 25). Jesusmi paipa causaita cushpa ñucanchicunataca juchamanda huañuimandapash salvarca. (Juan 3:16, liipangui.)
¿Imashinata unai unaicaman causaita ushanchi?
¿Tucuilla gentecunachu ungüimanda huañuimanda salvarita ushapanchi? Taita Diosta Adanshna na cazujcunaca na unai unaicaman causangachu. Taita Dios perdonashca gentecunallami unai unaicaman causanga. (Isaías 33:24; 35:3-6, liipangui.)
Taita Dios perdonachunga Bibliata yachajushpami Taita Diosta rijsina capanchi. Bibliami ñucanchitaca ali causachun, Taita Dios ñucanchita alicachishpa ricuchun, unai unaicaman causachunbash ayudan. (Juan 17:3; Hechos 3:19 liipangui.)
Cai temacunata ashtahuan liipai
BIBLIAPA TAPUICUNA
Para siempre causangapaca ¿imatata rurana capanchi?
Bibliapica Taita Diospa voluntadta rurajcunaca para siempremi causanga nishpami prometin. Taita Diosca ñucanchicuna quimsa cosascunata rurachunmi munan.
VILLAJUN REVISTA
Taita Diospa valishca regaloca ¿imamandata valishca can?
Quiquinga ¿imamandata shuj regalotaca ashtahuan alicachingui? Cai tapuipi pensarinami, Taita Dios paipa Churipa causaita cushpa salvashcataca ashtahuan alicachichun ayudanga
