Jipa punllacunapica cai alpapica tranquilo ali causaigumi tianga. Taita Diospa Gobierno mandajujpimi tranquilo ali causaigutaca charishpa chai gobiernopica Jesusmi mandajunga. Jipa punllacunapi tranquilo ali causaigu tiana esperanzamanda Bibliapi yachachijta ricupai.

1.   Taita Diosca cai alpapi tiashca tucui gerracunatami tucuchinga. Shina rurashpami cai alpapi “Taita Diospa ñaupapi ali ricurishca gentecunapash tranquilo ali causaiguta” charinga nishca shimicunataca pactachinga (Salmo 46:9; Lucas 2:14).

2.   Taita Diospa Gobiernomi cai alpataca mandanga. Chai gobierno cai alpata mandajpimi tucui llactacuna y tucui laya gentecunaca tranquilo ali causaiguta charita ushanga (Daniel 7:14).

3.   Jesustaca casilla ali causanata caraj mandaj nishpami rijsin. Jesusca para siempre tranquilo ali causaigu tiachunmi aseguranga (Isaías 9:6, 7).

4.   Taita Diospa Gobiernopica nali ruraicunata rurangapaj munajcunataca tucuchingami porque Taita Diosca “nalita ruraj runata ninandapacha llaquichingapalla munaj runataca tucui shunguhuanmi millanayachin” (Salmo 11:5; Proverbios 2:22).

5.   Taita Diospa paipa sirvijcunataca tranquilo ali causaiguta charichunmi yachachin. Shinallata Taita Dios gentecunaman yachachijpimi Bibliapi nishcashnaca “paicunapaj espadacunataca, yapuna rejacunaman tigrachinga. Lanzacunatapash, hocescunamanmi tigrachinga. Llactapuracunapash, na ashtahuan macanajungapaj espadacunahuan llujshingachu. Macanajuita yachachingapapash, na ashtahuan tiangachu” (Isaías 2:3, 4).

 Mundo enteromanda testigo de Jehovacunami tranquilo ali causaiguta charinata yachajunajupanchi (Mateo 5:9). Shuj shuj culturacunamandami canchi, doscientos treinta yali llactacunapimi causanchi pero shujcunata llaquichingapaca armacunataca nunca na japinchichu.