Bibliapica maijan ali religión cashcata cuenta japichunga cai chimbapuraita churashpami intindichin. Bibliapica: “Ima cajpipash grano fucunshna cajta ricushpami rijsinguichi. ¿Uvastaca, casha yurapi fucushcatachu pallan? Na cashpaca, ¿jigostapash cashapi fucushcatachu pallan?” ninmi (Mateo 7:16). ¿Nachu que granocuna fucujpira casha cashcata o higos cashcataca ricupanchi? Shina cuendallatami maijan ali religión cashcataca paicunapa ali ruraicunapi ricui ushapanchi. Ali religionga ¿imashinata can?

1.   Ali religionga gentecunapa yuyaicunataca na catinllu. Sino Taita Diospa Shimi Bibliapi yachachishcacunatami catin (Juan 4:24; 17:17). Bibliapica alma ima cashcata y jipa punllacunapi shuj juyailla alpapi para siempre causanatami yachachin (Salmo 37:29; Isaías 35:5, 6; Ezequiel 18:4). Shinallata, panda religiongunapi panda yachachishcacunatapashmi na pacashpa villan (Mateo 15:9; 23:27, 28).

2.   Ali religionga gentecuna Taita Diosman ashtahuan quimirichun y Taita Diospa shuti Jehová a cashcata yachachunmi ayudan (Salmo 83:18; Isaías 42:8; Juan 17:3, 6). Shinallata ñucanchicuna Taita Diospa amigocuna cachun munashcatapashmi yachachin. Taita Diosmandaca tucuicunallatami fácil yachajui ushapanchi (Santiago 4:8).

3.   Ali religionga Taita Dios ñucanchicunata salvangapaj paipa shujlla Churi Jesusta cai alpaman cachamushcatami yachachin (Hechos 4:10, 12). Ali religionda catijcunaca Jesuspa yachachishcacunatami siempre cazungapaj esforzarin y Jesuspa ejemplotapashmi catingapaj esforzarin (Juan 13:15; 15:14).

4.   Ali religionga Diospa Gobiernolla tucui llaquicunata tucuchinapimi tucui shunguhuan confian. Chaita crimandami shuj gentecunamanbash Diospa Gobiernomanda cushijushpa predican (Mateo 10:7; 24:14).

5.   Ali religionbica tucuicunatallata juyana cashcatami yachachin (Juan 13:35). Shinallata ima razamanda, maijan llactamanda, ima idiomata parlajpipash, pundacuna imasha cashca cajpipash tucuitallata respetana, juyana cashcatami yachachin (Hechos 10:34, 35). Tucui gentecunata juyaimandallatami ali religionda catijcunaca guerracunamanbash na rin (Miqueas 4:3; 1 Juan 3:11, 12).

6.   Ali religionbica culquita ganaimandalla Taita Diosmanda yachachijcunaca na tianllu. Shinallata chaipi ñaupaman pushajcunapash paicunata ninanda alicachinajuchun, paicunata shuj shuticunata nishpa rimachunbash na munanllu (Mateo 23:8-12; 1 Pedro 5:2, 3).

7.   Ali religionga shujcunamandaca shicanbachami can, politicacunapipash na satirinllu (Juan 17:16; 18:36). Politicapi na satirishpapash gobiernocunapi autoridadcunataca respetanmi. Paicunaca Bibliapi: “Cesarpaj cajpica [o autoridadcunapa cajpica], Cesarmanllatami cuna canguichi. Ashtahuangarin Taita Diospaj cajtaca, Taita Diosmanmi cuna canguichi” nishca mandatota pactachishpami causan (Marcos 12:17; Romanos 13:1, 2).

8.   Ali religionda catijcunaca, gentecuna ricuchunlla o iglesiacunapi caj horasllaca na ali portarinllu. Sino tucui horasmi Bibliapi Diospa mandashcacunata pactachingapaj ninanda esforzarin (Efesios 5:3-5; 1 Juan 3:18). Paicunapaca cushi Taita Diosta sirvinaca na shuj cargachu can. Paicunaca paicunapa munaimi Taita Diosta cazushpa y sirvishpa causan (1 Timoteo 1:11, Traducción del Nuevo Mundo [TNM]).

9.   Ali religiondaca na taucacunachu catin (Mateo 7:13, 14). Y Taita Diospa voluntadta ruranajushcamandami paicunataca ninanda llaquichin, na valicunatashna ricun, y catiriashpa llaquichin (Mateo 5:10-12).

“Cai religionbica ñuca munashcata rurachun saquinllami”

 Ñucanchi munashcata rurachun saquishcamandallaca na shuj religionbica canachu capanchi. Bibliapica jipa punllacunapica, paicuna uyangapaj munashcatalla uyaj gentecunami tianga y Taita Diosmanda cabal yachachijcunataca na uyangachu nijunmi (2 Timoteo 4:3). Shinallata Bibliapica, gentecuna na gushtajpipash ‘Taita Diospaj ñaupajpi tucui shunguhuanbacha ima mapapash illaj crij cana’ o ali religionbi canami alipacha can nijunmi (Santiago 1:27; Juan 15:18, 19).