•  ¿Imamandata minishtirishca can?

•  Caita rurapai

•  Jovengunaca ¿imatata nin?

•  Ñucanchi tiempoca culqui cuendami can. Culquita yangata gashtashpaca minishtirishcacunapaca na charinguichu. Shina cuendami tiempota aliguta utilizashpaca, quiquin gushtashca cosascunata ruraita ushangui.

   Bibliapica ninmi: “Imata rurangapajpash na munaj runapaj shungupi imata munashpapash, napacha japinllu. Ashtahuangarin imata cashpapash ucha rurajcunapaj shungupi imata munashcapash, tucuimi ali llujshinga” (Proverbios 13:4).

   ¿Imatata yachajupanchi? Tiempota ali utilizashpaca ashtaca cosascunatami ruraita ushangui. Quiquin gushtashca cosascunapapashmi tiempoca pactanga.

•   Chaira viñajushpallata tiempota aliguta utilizanata yachajunaca jipamanbash ninandami ayudanga. Por ejemplo, tiempota ali utilizashpaca shuj trabajopimi ashtahuan catita ushangui, na cashpaca trabajotami perdingui. Caipi yuyapai, shuj negociota charishcanguiman. Shuj trabajador siempre atrasarishpalla shamujpipash ¿trabajachijunguimanllachu?

   Bibliapica ninmi: “Ashagutalla charishpapash, aliguta pactachij runaca, ashtacata charishpacarin, ashtahuanmi aliguta pactachin” (Lucas 16:10).

   ¿Imatata yachajupanchi? Tiempota ali utilizanata yachashpaca, quiquin imashinapacha cashcatami ricuchijupangui.

 Tiempota aliguta utilizanaca shinllimi can. Huaquin jarcaicunata ricupashun.

 Callaripica : Amigocuna

 “Tiempota na charishpapash amigocuna invitajpica casi siempremi ari nini. Imata rurajushcataca tigramushpa rurashalla yashpapash na siempre pactachi ushashcanichu” (Cynthia).

 Catipica: Pugllaicuna, shuj ruraicunapash

 “Telepi shuj peliculata o shuj programata yapata ricushpaca na cuenta urmajtami ashtaca tiempota perdinchi” (Ivy).

 “Tabletpica ashtaca horascunatami yalini. Bateria tucuringacaman tablethuan yalishcamandami nali sintirini” (Marie).

 Quimsapica: Debercuna, shuj responsabilidadcunapash

 “Debercunata, shuj responsabilidadcunata charishpapash, imapash cosascunapimi ashtaca tiempota yalini. Shinapash jipaman debercunata, minishtirishca ruraicunata ruranaca ashtahuan shinllimi can. Shinami tiempota na aliguta utilizashcata ricuchinchi” (Beth).

1.   Shuj hojagupi imacunatalla ruranata anotapai. Chai hojagupica huasipi cashpa, escuelapi cashpa imacunatalla rurana cashcata anotapai. Shinallata chai ruraicunata ima punlla tucuchingapaj munashcatapash anotapai.

    Bibliapica ninmi: “imatapash aliguta ruranata yariaj causanguichi” (Filipenses 1:10).

2.   Tiempota charishpa imata rurangapaj munashcata anotapai. Chaipica teleta ricungapaj o internetpi yalingapapashmi anotai ushapangui. Shinallata chai ruraicunapi mashna horascunata yalina cashcatapash anotapai.

    Bibliapica ninmi: ‘Villana cajpica, ama punlla yanga yalichunmi, aliguta yarishpa villajuna canguichi’ (Colosenses 4:5).

3.   Caitapash rurapai. Ishcandi anotashca hojata ricupai. ¿Tucui minishtirishca ruraicunatachu anotapashcangui? o ¿shuj ruraicunatarachu ashtahuan anotapashcangui?

    Caita rurapai: Anotashca ruraicunata rurashpaca señalashpa saquipai.

    Bibliapica ninmi: ‘Imatapash ucha rurajcunaca ashtacatami charinga’ (Proverbios 21:5).

4.   Anotashcata pactachipai. Huaquinbica minishtirishca ruraicunata pactachingapami pipash invitajpica na nina tucunga. Shinapash anotashca ruraicunata pactachinami ashtahuan tiempota charichun, cushilla sintirichun ayudanga.

    Bibliapica ninmi: “Imata cashpapash ucha ruranataca, na quillanayachinachu canguichi” (Romanos 12:11).

5.   Anotashcacunata pactachishpaca, imagutapash rurashpa cushijupai. Tara shuti jovenguca ninmi: “ Huaquinbica anotashca hojamandaca ishcai ruraicunata pactachishpami yuyani: ‘15 minutocunatalla teleta ricusha, jipaman imata rurajushcata tucuchisha yanimi’. Shinapash 15 minutocunaca 30 minutocunami tucun, jipaca 1 horami tucun. Jipamangarin na cuenta urmajtami 2 horasta teleta ricushcani”.

    Na cuenta japijta horascuna ama yalichunga ¿imatata rurana capangui? Caita yuyaripai, anotashca ruraicunata tucuchishpami, teleta ricushpa o shuj ruraicunata rurashpa cushijuna capangui.

    Bibliapica ninmi: “Runaca, pai trabajashcamandami, paipaj shungupipash cushijun” (Eclesiastés 2:24, La Palabra de Dios para Todos).