122 TAKI
“Qaqata sayaychis”
-
1. Kay pachapiqa nanayllan kashan,
chaymi lliu runa llakisqa kashan.
Manan ichaqa manchakunachu,
Diosmi yanapawasun.
(CORO)
Qaqatan sayananchis,
Diospaqmi kausananchis.
Wiñay kausaymanmi
Diosqa pusawasun.
-
2. Urmananchistan Saqraqa munan,
chaymi iñiyninchis allin kanan.
Millay ñanmanta karunchakusun,
allintayá sayasun.
(CORO)
Qaqatan sayananchis,
Diospaqmi kausananchis.
Wiñay kausaymanmi
Diosqa pusawasun.
-
3. Tukuy sonqowan servisun Diosta,
lliuman willasun gobiernonmanta.
Tukukunqañan kay millay kausay,
mosoq kausaymi kanqa.
(CORO)
Qaqatan sayananchis,
Diospaqmi kausananchis.
Wiñay kausaymanmi
Diosqa pusawasun.
(Kay textokunatawan leey: Luc. 21:9; 1 Ped. 4:7.)