¿Atisunmanchu kusisqa kawsayta?

“Wakchaqa kaqnillanwan kusisqa kaspaqa qhapaq hinan sientekun, qhapaqtaq kaqninkunawan mana contentakuspa wakcha hina sientekun.” (Benjamin Franklin político, científico estadounidense)

ASKHA runakunan ninku: “Manan askhachu imanchispas kanan kusisqa kanapaq”, nispa. Chaywanpas askha runakunan astawan imaymanata munanku, imaymanata aypayta munanku, otaq vecinonku hina askha kaqniyoq kayta munanku. Yaqapaschá qan kikiyki rikurqanki kaykunata:

• Propagandakuna, sapa kutin lloqsimun “kaytawan rantikuspaqa aswan kusisqan kanki” nispa.

• Llank’anapi otaq escuelapin llallinakuy kan, chaymi tanqawanchis hukkunamanta aswan allin kayta munanapaq.

• Mana agradecekuq runakuna.

• Runakunan imankuwanpas hatunchakunku, amigonchiskunapas chhaynan kankuman.

• Imapaq kawsasqanchismanta mana interesakuy.

Chhayna mat’ipayakuykuna kashaqtin, ¿atisunmanchu kaqnillanchiswan kusisqa kawsayta? Apóstol Pablon ‘yacharqan’ kusisqa kanapaq ima necesitakusqanta. Payqa mayninpin wakcha kawsaypi tarikurqan mayninpitaq allin qhapaq hina kawsarqan. Askha runakunan cheqnikurqanku askhataqmi munakurqanku. Chaywanpas nirqanmi: “Yachanin imaynapiña kaspapas kusisqallapuni kawsayta”, nispa (Filipenses 4:11, 12).

Qanpas atiwaqmi kusisqa kawsayta. Bibliapin phisqa yanapaykuna kashan mana contentakuq runakuna ukhupi kusisqa kawsanapaq. ¿Mayqenkunataq chay kanman?