Askha runakunan kay 2023 watapi 27 enero p’unchaypi yuyarinqaku Día Internacional en Memoria del Holocausto nisqata. Chaypin askha runakuna sinchita ñak’arirqanku wañurqanku ima. Chaykunaq pasasqanmantaqa ñan 75 watakuna masñan pasarun. Chay tiempopi imachus pasasqanta yuyarispaqa yaqapaschá tapukusunman: “¿Imaraykutaq chaykunaq pasasqanta Dios jinallata qhawarqan?” nispa.

•   Chaykunamanta imatachus Biblia nin chayta yachanaykipaq leey “¿Imaraykun chhaynaniraqta sufrichirqanku judío runakunata?” nisqata.

 Chay tiempopin judío runakunata sinchita ñak’arichirqanku, chinkachipuyta munaspataq millonninpi paykunata wañuchirqanku. Chaymantapas juj runakunata qatiykachaspa iman wañuchirqanku. Jehová Diospa testigonkunatapas Bibliapi creesqankuraykun qatiykacharqanku.

•   Astawan yachayta munanki chayqa leey “¿Qué les ocurrió a los testigos de Jehová durante el Holocausto?” nisqata.

 Askha runakunan manchakunku jaqay tiempopi judío runakunaq ñak’arisqan jina jujmanta kay tiempopi pasananmanta. Biblian ichaqa willan jamuq tiempopi chaykuna manaña pasananmanta. Chayta yachayqa maytan kusichiwanchis.

•   Biblian nin: “Allintan yachani qankunapaq yuyaykusqayta. Thaj kaytan qosaykichis manan ñak’ariytachu. Sumaq kausaytan, sumaq suyakuytan qoyta munaykichis, ninmi Jehová Dios”, nispa (Jeremías 29:11). a

 Chay textopi imachus nisqanqa junt’akunqan. Chayqa pasanqa Jehová Dios millay runakunata chinkachipuqtinmi. Chayraykun pisi tiempollamanta Jehová Dios kaykunata ruwanqa:

•   Kay pachapi runakunata sufrichiq millay runakunatan chinkachipunqa (Proverbios 2:22).

•   Sufriq runakunatan jampinqa thajpi kausanankupaq (Apocalipsis 21:4).

•   Wañusqa runakunatan kay pachapi kausarichimpunqa (Juan 5:28, 29).

 ¿Confiawaqchu Bibliapi sumaq suyakuy willasqanpi? Chaymanta astawan yachayta munanki chayqa invitaykikun Bibliata estudianaykipaq.