1 Samuel 16:1-23
16 Tiempowanmi Jehová Diosqa Samuelta nirqan: “¿Jayk’aqkaman Saulmanta llakisqa kanki?+ Ñamá riki paytaqa wijch’upushaniña Israelpi rey kananmantaqa.+ Phaway juj waqraman aceiteta junt’achimuy,+ jinaspa Belén llaqtata riy, chaypin Jesepa+ jujnin churinta ajllakuni rey kananpaq”,+ nispa.
2 Samuelmi ichaqa nirqan: “Riqtiyqa Saulchá yacharuspa wañurachiwanqa”,+ nispa. Jinan Jehová Diosqa nirqan: “Juj malta wakata aysarikuspa riy, jinaspa ninki: Jehová Diosman sacrificiota jaywaqmi jamushani, nispa.
3 Chay sacrificiomanmi invitanki Jeseta, chaypiñan nisayki imachus ruwanaykita. Pitachus noqa ajllakusaq chay runamanmi chay aceitetaqa jich’aykunki”,+ nispa.
4 Samuelqa Jehová Diospa nisqanman jinan ruwarqan. Belén+ llaqtaman chayaqtinmi chay llaqta umalliqkunaqa* manchakuymanta khatatatarqankuraq,* jinaspa Samuelta tapurqanku: “¿Iman pasarun?”, nispa.
5 Samueltaq nirqan: “Manan imapas pasanchu. Noqaqa Jehová Diosman sacrificiota jaywaqmi jamushani. Ch’uyanchakuychis, jaku noqawan sacrificio jaywaq”, nispa. Chaymantataq Jeseta churinkunatawan ch’uyanchaspa sacrificiota jaywanankupaq wajachimurqan.
6 Paykuna chayamuqtinkun Samuelqa Eliabta+ rikuspa nirqan: “Paypunin Jehová Diospa ajllakusqanqa kanman”, nispa.
7 Jehová Diosmi ichaqa Samuelta nirqan: “Ama jawallantachu nitaq sayaynillantachu qhaway,+ noqaqa manan paytachu munani. Jinaspapas noqaqa manan runakuna jinachu imatapas qhawarini. Runakunaqa ñawinkuq rikusqallantan qhawanku, noqa Jehová Diosmi ichaqa runaq sonqonta qhawani”,+ nispa.
8 Chaymantataq Jeseqa Abinadabtañataq+ Samuelpa ñaupanman qayllaykachirqan, Samueltaq nirqan: “Manan paychu Jehová Diospa ajllasqanqa”, nispa.
9 Chay qhepamantaq Jeseqa Samá+ churintañataq Samuelpa ñaupanman qayllaykachirqan, Samuelmi ichaqa nillarqantaq: “Manan paypaschu Jehová Diospa ajllasqanqa”, nispa.
10 Chhaynatan Jeseqa qanchis churinkunata ch’ulla-ch’ullallamanta Samuelpa ñaupanman qayllaykachirqan, Samuelmi ichaqa Jeseta nirqan: “Jehová Diosqa manan mayqentapas ajllanchu”, nispa.
11 Chaymantataq Samuelqa Jeseta tapurqan: “¿Chayllachu churiykikuna?”, nispa. Jesetaq nirqan: “Faltanraqmi sullk’a kaq waway,+ payqa ovejatan michimushan”,+ nispa. Chaymi Samuelqa nirqan: “Phaway wajachimuy, pay jamuqtinñan mijusunchis”, nispa.
12 Jinan Jeseqa chay sullk’a churinta wajachimurqan. Payqa munay rijch’ayniyoq waynan karqan, pukay-pukay uyayoq, munay ñawiyoq.+ Jehová Diosmi Samuelta nirqan: “¡Paymi ajllakusqayqa! Payman aceiteta jich’aykapuway”,+ nispa.
13 Chaymi Samuelqa uywa waqrapi apamusqan aceitewan+ Davidman jich’aykurqan wayqenkunaq ñaupanpi. Chay p’unchaymantapachan Jehová Diospa espiritunqa Davidman junt’aykurqan.+ Chaymantataq Samuelqa Ramá+ llaqtaman ripurqan.
14 Jehová Diosqa manañan espiritunta qorqanñachu Saulman,+ aswanmi Jehová Diosqa dejallarqan mana allin piensaykuna* Saulta sinchita manchachinanta.+
15 Saulpa kamachinkunan nirqanku: “Diospa kachamusqan mana allin piensaykunan* khaynaniraqta manchachishasunki.
16 Chayrayku reyníy, serviqniykikunata kamachiy arpa tocaqta maskhamunankupaq, ichaqa allin tocaqmi kanan.+ Chhaynapi mana allin piensaykuna* jamusuqtiyki arpata tocananpaq, chaywanmi sonqoyki tiyaykunqa”, nispa.
17 Jinan Saulqa kamachinkunata nirqan: “Cheqaqtan chaytaqa nishankichis. Ama jinachu kaychis, juj allin tocaq runata maskharampuwaychis”, nispa.
18 Jujnin yanapaqninmi Saulta nirqan: “Belén llaqtapi tiyaq Jesepa churinmi kusata tocan, payqa mana manchakuq kallpasapa runan.+ Chaymantapas payqa allin yuyaywan rimaqmi, munay waynan.+ Jehová Diospas paywanmi kashan”,+ nispa.
19 Jinan Saulqa runankunata Jesepa wasinman kacharqan: “Oveja michiq churiyki Davidta kachamuway”,+ nispa nimunankupaq.
20 Jinan Jeseqa t’antata, qara p’uyñupi* vinota, juj malta cabrachatawan asnopi cargaykuspa churin Davidwan Saulman apachirqan.
21 Davidtaq Saulpa wasinman chayaspa paypa kamachisqanta ruwayta qallarirqan.+ Saulqa anchatan Davidta munakurqan, paymi arma apaysiqninpas karqan.
22 Chaymantataq Saulqa Jeseman willachimurqan: “Ama jinachu kay, churiyki Davidqa llank’aysiwachunraq, payqa sonqoypaq jinan”, nispa.
23 Sapa kutin Saulman mana allin piensaykuna* jamuqtinmi Davidqa arpanta tocaq, chaywanmi Saulpa sonqonqa tiyaykuq, manañataqmi mana allin piensaykunaqa ñak’arichiqchu.+
Uraypi willakuykuna
^ Chaypiqa “kuraq runakunaqa” nillanmantaqmi.
^ Khatatataytaqa “kharkatiy” nillankutaqmi.
^ Hebreo rimaypiqa “mana allin espíritu” ninmi. Qhaway Explicasqa simikuna nisqapi “Espíritu” nisqata.
^ Hebreo rimaypiqa “mana allin espiritun” ninmi. Qhaway Explicasqa simikuna nisqapi “Espíritu” nisqata.
^ Hebreo rimaypiqa “Diosmanta jamuq mana allin espíritu” ninmi. Qhaway Explicasqa simikuna nisqapi “Espíritu” nisqata.
^ Qhaway Explicasqa simikuna nisqapi “Qara p’uyñu” nisqata.
