¿Imatam biblia nin?
¿Bibliaqa yanapawachwanchu llakinchikkunapi?
¿Ima niwaqtaq?
Arí
Manam
Ichapas
¿Imatam biblia nin?
“Tukuy llakikichiktapas Diospa makinpi saqiychik, payqariki qamkunamantam nanachikun” (1 Pedro 5:7). Bibliam niwanchik Diosqa llakinchikkunapi yanapawananchikmanta.
¿Imatawanmi bibliaqa nin?
Diosta mañakuruspaqa hawkam tarikusunchik (Filipenses 4:6, 7).
Bibliata ñawinchayqa yanapawanchikmi hawkalla kawsakunapaq (Mateo 11:28-30).
¿Chayamunqachu punchaw mana ima llakiyuq kawsakunapaq?
¿Imatam runakuna ninku? Ninkum runaqa wañukunan punchawkama imamantapas hinalla llakikunanmanta. Wakin runakunañataqmi ninku wañukuspanchikña huk vidapi mana ima llakiyuq kawsakunamanta. Qamqa, ¿ima niwaqtaq?
¿Imatam biblia nin?
Diosmi tukuy llakichiwaqninchikkunata chinkachinqa. Niwanchikmi: “Manañam kanqachu wañuypas, llakikuypas, waqaypas nitaq nanaypas”, nispa (Apocalipsis 21:4).
¿Imatawanmi bibliaqa nin?
Kay pachata Jesus kamachiptinqa hawkañam kawsakusun (Isaias 32:18).
Manañam imamantapas llakikusunñachu (Isaias 65:17).
