2023 watapim enero 27 punchawpi runakuna yuyarinqaku 75 wata ñawpaqtaraq waranqantin judiokunata wañuchisqankuta. Chay pasakusqanmantaqa ichapas ninki: “¿Imanasqataq Diosqa saqirqa judiokuna wañuchinankuta?”, nispa.

•   Chaymanta bibliapi ima nisqanmanta yachanaykipaq leey “¿lmanasqataq Diosqa saqirqa Judio runakunata wañuchinankuta?” niq yachachikuyta.

 Alemaniapi hinaspa huklaw nacionkunapim wara-waranqantin judiokunata llumpayta chiqnisqankurayku wañuchirqaku. Ichaqa manam paykunallatachu wañuchirqakuqa nitaq qatikacharqakuqa. Jehova Diospa testigonkunatapas bibliapa yachachikuykunata kasukusqankurayku ñakarichispa wañuchirqaku.

•   Chaymanta astawan yachanaykipaq leey “¿Qué les ocurrió a los testigos de Jehová durante el Holocausto?” niq yachachikuyta.

 Achka runakunam manchakunku chayna wañuchinakuy kaqmanta kananmanta. Bibliapim ichaqa niwanchik chayna wañuchinakuyqa hamuq tiempopiqa manaña kananmanta.

•   Jeremias 29:11 nin: “Jehova Diosmi nin: ‘Ñuqaqa sumaqtam yachani qamkunapaq imam munasqaytaqa. Hawkayaypi kanaykichiktam munani, manam sasachakuypi kanaykichiktachu. Hamuq punchawkunapi allinña kanaykichiktam munani’”, nispa. a

 Kayqa cumplikunqa Jehova Dios mana allinkunata chinkachiptin hinaspa tukuy imata allichaptinmi. Manapas unaymantam Jehova Diosqa kaykunata ruwanqa:

•   Runakunata ñakarichiq mana allin runakunatam chinkachinqa (Proverbios 2:22).

•   Ñakariq runakunamanmi hawkayayta qunqa kusisqa kawsakunankupaq (Apocalipsis 21:4).

•   Wañuqkunatam kawsarichinqa (Juan 5:28, 29).

 Bibliapa kayna nisqankunaqa cumplikunqam, ama iskayrayaychu. Chaykunamanta astawan yachayta munaspaykiqa ñuqaykuwanmi bibliata estudiawaq.