¿Imasnara Biblia leanara gustana mas yachanas ushangui? Pichca yanapai tiashcara ricui ashca leajcunara yanapashca.

Ali lugarda mascai. Chunlla leana lugarda mascai. Mana turbachinas, ali ricuna, gustu lugar ajpi mas ali leanara ushanguima.

Yachana munaihua leai. Biblia shu cuyashcami ñucanchi ahua pachai tiaj Yaya. Biblia canda yanapachu leai, imasna shu huahua pai yaya yachachishcara yachangaj munaihua leashcasna. Runauna Bibliamanda manali rimashcara, iyashcara saquisha Dios yachachichu saquingui (Salmo 25:4).

Manara callarishcallaira oracionda rurai. Biblia Diospa iyaigunara charin, chiraigu paihua yanapai ministinchi leashcara intindingahua. Pai nin mañajcunara paihua espíritu santura cungarauni nisha (Lucas 11:13). Espíritu santu ñucanchira yanapana ushanmi intindingahua imasna Dios iyashcara, huasha intindinguimi ‘Diospa atun yachanaunara’ (1 Corintios 2:10).

Intindingaj leai. Ama yangamanda leaichu. Can leaushca huras ima leaushcara iyai. Tapuri: “Cai cuintashcamanda runa ¿ima ali ruranara ricuchica? ¿Imasnara ñuca yachaushcara pactachina ushani?”.

Can ima rurangaraushcara ali riparai. Bibliamanda can leaushcara mas gustangahua yachai camba causaibi ima yanapanara. Diosta mas ricsingaj, mas ali runa tucungaj, mas ali cari o huarmi tucungaj cai pactachinaunara ajllai. Huasha Bibliai tiaj partiunara ajllai caita pactachingahua. a

Cai pichca yanapai callaringahua yanapanga, shinajpis ¿imara can rurana ushangui Bibliara mas gustu leangahua? Catij tema charin mas iyaigunara.