1. Cuna ña ricuichi

Diospa atun urcura.

Tucui urcuunamanda

mas shinzhi shayaunmi.

Ashca runaunaga

cushi yachachirianun:

¡Diosta gunlla pariju

sirvingaj shamuichi!

Dios nishca cuintami,

paihua llacta ashca mirariun.

Jehová Dios bendician

paita ali sirvijcunara.

Ashca runaunaga

Dios partima tucusha,

tucui shunguhua

paita sumaj aduranun.

 2. Cristo mandacami

Reinomanda rimangaj

tucui lugargunais

runaunara cuintangaj.

Cuna Cristo Jesús

ña mandaun ahua pachai.

Paiga ashca

bendiciongunara cungami.

¡Cushimi ricuni

Diospa llacta mirariushcara!

Shinzhira tarbasha

catisha Dios mandashca cuinta.

Mansu runaunama

cushi cumbirashami:

¡Diosta tucui shunguhua

adurashun! nisha.