Jehová Dios ñucanchimanda mañanmi “chuyaj shunguyuj anara llaquichu” (Miqueas 6:8). Casarashcauna, mana chuyaj shungu charijpi mana paibi quirina tianzhu. Llaquinuna mas tiachu caran shujmanda cierto quirina tianami an.

Cunan punzhaunai, casarashca ucui chuyaj shunguhua causana huajliriun. Camba familiara cuirangaj ishqui pactachinara ña ajllana angui.

BIBLIA NINMI: “Canguna tucui ima ali ashcaras ricsingaj” (Filipenses 1:10). Camba familiaga tucuimanda mas yapa alimi an. Chiraigu ministirinmi camba causaibi tucuimanda pundai churangaj.

Jehová nin camba huarmillara o carillara ricungaj ñahuira charichu, astaumbas ishquindi pariju ali gustu causanuchun (1 Pedro 3:7). Jehová Dios ninmi camba carira o huarmira mana sapalla saquisha cungarichu, chi randi astaun mascachu paita cushiyachingaj ima ranais (1 Corintios 10:24). Camba carira o huarmira paita ministishcara valichishcaras sintichinami angui.

CAMANA USHANGUICHARI:

• Camba carihua o huarmihua timpura pasana angui pai tucui ministishcaunaras cuna angui

• Ishquindipura cuinta ashcara iyarichu mana can sapalla cuinta ashcara iyachu

BIBLIA NINMI: “Pi runas shu huarmira munarisha ricujpi, ña paihua shungüi ucharashcami paihua” (Mateo 5:28). Maicambas shujta carira o huarmira pingai iyaihua ricuriasha ña shujhua tacarishca cuinta shinami an.

Jehová Dios ninmi shungura cuirangaj ministirinmi nisha (Proverbios 4:23; Mateo 15:19). Chita pactachingahua imas ricushcaunara ali ajllana angui (Mateo 5:​29, 30). Apu Jobpa ali rashcara catingui, shujta huarmira munaihua mana ricungaj nisha, paihua ñahuira anzhuchishami nisha rimaca (Job 31:1). Ucha rashcara ricunaunara shu rai saquina angui. Mana ima huraspas shujta carira o huarmira iyarinachu angui.

CAMANA USHANGUICHARI:

• Camba huarmihua o carihua casaru ashcara shujcunama yachachi

• Camba cari o huarmi pai sintishcaunara respetangui shinallara shujta carihua o huarmihua apanunara paita llaquichijpi dsas pitinami angui