Biblia mana yachachin ima oranáysh tían santusta. Oranáysh tían Tata Yayallát y ’ruanáysh tían Jíshup sutinpi. «Ckamcuna chayna oranayquísh tían -Jishu nera discipulusninta-: Tata Yayáysh, cielupi tiasckayqui, sutiyqui santificascka cachun» (Mateo 6:9, Biblia de América [BA]). Jishu ni áicap nera orasckáysh suj santút, suj angelta o pillapasta Tata Yaya mana casckanta.

 Jishupas nera: «Nocka cani, ñan, verdar y causayta. Ni pipas tataman chayayta atin, si mana can nockaraycu» (Juan 14:6, BA). Jishullát autoridarníyoj can ’rimáypaj Tata Yáyap ñauckenpi nockayshraycu (Hebreos 7:25).

¿Tata Yayát orayta atíysh y santustapas?

 Suj 10 mandamientusmanta, Tata Yaya nera: «Nocka, Tata Yayayqui, suj Tata Yayát celoso cani» (Exodo 20:5, BA). ¿Imát ninaan Tata Yaya «celoso» casckanta? Suj Biblia suten Biblia de América cá versiculumanta chayna nin: «Pay sujlla Tata Yaya caj ’rin, ni suj imagen ’rúaj ’rin [...] pay sujlla Tata Yaya mana cachun». Tata Yaya mañaáysh payllát adorasckayshta, chayraycu, orapuptíysh adorapushcáysh (Isaías 48:11).

 Oraspa pillapas Tata Yaya mana casckanta mana importas suj angelta o suj santút cas, pay piñaconcka. Libru Apocalipsis (Revelación) nin, áicap apóstul Juanchu urmara Angelpa chaquisninpi adoranánpaj, ancha sinchít nipora: «Chay ama ’ruaychu, nocka cani sujlla compañeru llamcaymanta ckam ina y huauckesniyquimanta, chaycuna casckancuta fieles testigus ina Jishumanta. Tata Yayallát adoranayqui tían» (Revelación 19:10, BA).