Diospaj obrata muyundij Allpapi apoyashpa catingapajca testigo de Jehovacunallatajmi cullquita cushpa ayudanchij. a Maijan shungumanta cullquita cushpa ayudasha nishpaca Tandanacuna Huasipi tiyaj caja de contribucioncunapimi churai tucun. Mana cashpaca donate.isa4310.com paginaman yaicushpami cullquita ima shina cunata ricui tucun. Maijan cullquita cusha nishpaca Diospaj obrata muyundij Allpapi apoyangapaj, congregacionpi gastocunata pagangapajmi ayudai tucun.

 Testigo de Jehovacunataca mashna cullquita cuchunca mana mañanchijchu. Ofrendata, diezmotapish mana mañanchijchu (2 Corintios 9:7). Ñucanchij tandanacuicunaca gratismi can. Congregacioncunata pushajcunaca matrimoniocunamanta, veloriocunamanta, bautizmocunamantaca mana cullquita cobrancunachu. Shinallataj cullquita tandangapaj micunacunata o ima cosascunata mana cꞌatunchijchu. Ima loteriata, ima rifatapish mana ruranchijchu. Gentecunatapish cullquita cuchunca mana mañanchijchu. Maijancuna Diospaj obrata apoyangapaj imata cujpica paicunapaj shuticunataca mana piman huillanchijchu (Mateo 6:2-4). Ñucanchij paginacunapi, publicacioncunapica cullquita mañangapaj propagandacunata mana churanchijchu.

 Tandanacuicunapica cada quillami mashna gastocuna tiyashcataca shuj informeta rurashpa tucuicunaman huillanchij. Shinallataj congregacionpi cullquita alli utilizacushcata yachangapajmi huaquin huauquicunaca alli ricun (2 Corintios 8:20, 21).

•   Tandanacuna Huasicunapi tiyaj cullquita cuna cajacunapimi cullquipi o chequepi cui tucunchij.

•   Achca llajtacunapica “Diospaj obrata apoyangapaj cullquita cushpa ayudai” nishca paginaman yaicushpami cullquita cui tucunchij. Cai paginaman yaicushpaca tarjeta de creditohuan, debitohuanmi, bancomanta transferenciata rurashpa cullquita cui tucunchij. b Huaquin Testigocunaca cullquita cungapajca cada quillami bancopica chꞌican tandancuna. Chashnami quillapica bancollataj descuentachun mañancuna (1 Corintios 16:2).

•   Huaquin donacioncunata rurangapajca arreglocunata ruranami minishtirin. Chaimantami leycunamanta yachajcunata ayudachun mañana cangui. Chashnami can causan llajtapi tiyashca beneficiocunata chasqui tucungui. Donacioncunata rurangapaj maijancunaca imata rurana cashcatami investigancuna. Shinallataj shujtajcunaca ña huañushca huasha charishca cosascunata o cullquita piman cunatami ricuncuna. Cullquita ima shina donangapajca can causan cꞌuchullapi saquirij testigo de Jehovacunapaj sucursalman ayudata mashcai. Caicunata utilizashpami donacioncunataca cui tucungui:

  •   cuentas bancarias

  •   seguros y planes de jubilación

  •   bienes raíces

  •   acciones y bonos

  •   testamentos y fideicomisos

 Chashna donacioncunata rurasha nishpaca, “Diospaj obrata apoyangapaj cullquita cushpa ayudai” nishca paginaman yaicui.