27 de enero de 2023 huatapica achca gentecunami Día Internacional en Memoria del Holocausto nishca punllata yuyarincuna. 75 yalli huatacuna huashamanca nazi soldadocunaca achca gentecunatami huañuchircacuna. ¿Paicunata huañuchichunca imamantataj Diosca saquirca?

•   Caimanta Biblia ima nishcata yachangapajca “¿Imamantataj judiocunataca llaquichircacuna? ¿Paicunata llaquichichunca imamantataj Diosca saquirca?” nishca temata liyi.

 Nazi soldadocunaca achca judiocunata yallitaj sufrichishpami huañuchircacuna. Pero mana paicunallatachu chashna catirashpa huañuchircacuna. Por ejemplo, testigo de Jehovacuna Biblia ima nishcata cazunata mana saquishcamantami paicunatapish catirashpa huañuchirca.

•   Caimanta ashtahuan yachangapajca “¿Qué les ocurrió a los testigos de Jehová durante el Holocausto?” nishca temata liyi.

 Achca gentecunaca cutin chashna llaqui tiyanatami manchancuna. Pero Bibliapica cashna llaqui cutin ña mana tiyanatami huillan.

•   Jeremías 29:11-pica: Jehová Diosca: a “Ñuca cancunapaj imallata ruranataca ñucamari yachani. Cancunapajca llaquitaca mana cachashachu, ashtahuanpish sumaj causaitami cugrini. Cancuna shuyacushcatatajmi cusha” ninmi.

 Jehová Dios tucui mana allicunata tucuchijpica sumaj causaitami charishun. Ñallami paica caita ruranga:

•   Shujtajcunata llaquichijcunataca tucuchingami (Proverbios 2:22).

•   Sufrishca gentecuna ñaupaman imalla tucushcata cutin ama yuyarichunmi ayudanga (Apocalipsis 21:4).

•   Cai allpapi causachunmi huañushcacunata causachinga (Juan 5:28, 29).

 Bibliapi tiyaj esperanzapi confiai tucunguimi. Imamanta confiai tucushcata yachangapajca shuj yachachijhuanmi Bibliamanta yachai tucungui.