«Aninaq tajin kkʼextaj ri clima. Jujun taq tinamit tajin kenoj che joron. Sibʼalaj kubʼan qʼaqʼ. Kubʼan nimaʼq taq jabʼ. E kʼi taq tinamit kʼo chi kijoron. Sibʼalaj kʼi cheʼ y chikop ksach kiwach. Xa ta tajin kqesaj uwiʼ ri kqabʼij, qas kkʼulmatajik. Are laʼ ri ubʼim ri ciencia che kkʼulmatajik we ri qʼatal taq tzij kkikʼex ta ri kkesaj wi ri luz» (Are waʼ ri xuya ubʼixik António Guterres, secretario general re ri Naciones Unidas, pa ri informe re ri Grupo Intergubernamental de Expertos sobre el Cambio Climático che xesax pa ri 4 re abril 2022).

 «Ri científicos tajin kkibʼij che pa ri e junabʼ che petinaq kubʼan más kʼax ri clima pa weneʼ ronojel ri parques re ri tinamit [re Estados Unidos], rumal che ri uqʼaqʼil ri uwach Ulew kubʼan kʼax che ronojel ri jastaq. Ri e kʼax che weneʼ kkiriq na ri 423 parques tzʼibʼam chi kan pa ri Biblia: nimaʼq taq poroʼn, kok jaʼ pa kachoch ri winaq, kjaʼr ri hielo, knimar más ri mar y kubʼan más qʼaqʼ» («Flooding Chaos in Yellowstone, a Sign of Crises to Come» [Caóticas inundaciones en Yellowstone, un aviso de las crisis que vendrán], The New York Times, 15 re junio 2022).

 ¿La ksukʼumataj na ri kʼax che tajin kuriq ri uwach Ulew? We ksukʼumatajik, ¿jachin kbʼanowik? Chawilampeʼ ri kubʼij ri Biblia chrij wariʼ.

 Ri Biblia kubʼij che ri Dios kusach na «kiwach ri kesachow uwach ri uwach ulew» (Apocalipsis 11:18). Wajun versículo re ri Biblia kukʼut oxibʼ jastaq chqawach:

1.  1. Are ri winaq kebʼanow kʼax che ri uwach Ulew.

2.  2. Kopan na jun qʼij che kʼo ta chi kʼax kuriq ri uwach Ulew.

3.  3. Are ri Dios ksukʼuman na ri kʼax che tajin kuriq ri uwach Ulew, are ta ri e winaq.

 Ri Biblia kubʼij che «ri uwach ulew mawi jubʼiqʼ kkʼextajik» (Eclesiastés 1:4). Amaqʼel kekʼojiʼ winaq chuwach.

•   «Ri e utzalaj taq winaq kkechbʼej na ri ulew kejeqiʼ kʼu na chuwach chbʼe qʼij saq» (Salmo 37:29).

 Kux chi na jun jeʼlalaj kʼolbʼal ri uwach Ulew.

•   «Chkikot ri chaqiʼj uwo saq, chaqiʼj ulew; chnoj che jajatem, chkotzʼijanoq» (Isaías 35:1).