نئیں، سارے مذہب اِکو جہے نئیں نیں۔ بائبل چ ایہو جہے مذہباں بارے دَسیا گیا اے جیہڑے خدا نُوں پسند نئیں۔ ایہناں مذہباں دِیاں دو قسماں نیں۔‏

پہلی قسم:‏ جھوٹھے دیوتاواں دی عبادت کرن والے مذہب

 بائبل چ جھوٹھے دیوتاواں دی عبادت نُوں بیکار، فضول ت‌ے بے فائدہ کہیا گیا اے۔ ‏(‏یرمیاہ 10:‏3-‏5؛‏ 16:‏19، 20‏)‏ یہوواہ a خدا نے بنی‌اِسرائیل نُوں حکم دِتا:‏ میرے علاوہ تیرا کوئی ہور خدا نہ ہووے۔ ‏(‏خروج 20:‏3،‏ 23؛‏ 23:‏24‏)‏ جدوں وی اِسرائیلیاں نے دُوجے دیوتاواں دی عبادت کیتی اوہناں تے یہوواہ دا غصہ بھڑکیا۔‏‏—‏گنتی 25:‏3؛‏ احبار 20:‏2؛‏ قضا 2:‏13، 14‏۔‏

 خدا اَج وی جھوٹھے دیوتاواں دی عبادت بارے ایہو جیہا ای محسوس کر دا اے۔ ‏(‏1-‏کُرنتھیوں 8:‏5، 6؛‏ گلتیوں 4:‏8‏(‏ جیہڑے لوک خدا دی عبادت کرنا چاہندے نیں اوہناں نُوں خدا نے حکم دِتا اے کہ اوہ جھوٹھے دیوتاواں نُوں منن والیاں توں دُور رہن‏۔‏ اوہنے کہیا اے کہ ایہو جہے لوکاں وچوں نکل آؤ تے الگ ہو جاؤ‏۔‏ ‏(‏2-‏کُرنتھیوں 6:‏14-‏17‏)‏ ذرا سوچو جے سارے مذہب اِکو جہے نیں تے لوکاں نُوں خدا وَل لجاندے نیں تے فیر خدا نے ایہہ حکم کیوں دِتا؟‏

دُوجی قسم:‏ اوس طریقے نال خدا دی عبادت کرن والے مذہب جیہڑا اوہنوں پسند نئیں

 کدی کدار بنی‌اِسرائیل خدا دی عبادت چ ایہو جہ‌یاں رسماں تے عقیدے شامل کر لیندے سن جنہاں دا تعلق جھوٹھے دیوتاواں دی عبادت نال سی‏۔‏ پر یہوواہ خدا نے کہیا کہ اوہنوں سچے مذہب چ جھوٹھیاں رسماں دی ملاوٹ پسند نئیں‏۔‏ ‏(‏خروج 32:‏8؛‏ اِستثنا 12:‏2-‏4‏)‏ یسوع مسیح نے اپنے زمانے دے مذہبی رہنماواں نُوں ملامت کیتی کیونکہ اوہ صحی طریقے نال خدا دی عبادت نئیں کر رہے سن۔ اوہ مذہبی ہون دا صرف دکھاوا کر دے سن ایس لئی یسوع مسیح نے اوہناں نُوں کہیا کہ تُسی شریعت دے اہم معاملیاں نُوں یعنی انصاف، رحم تے ایمان نُوں نظرانداز کردے او۔‏‏—‏متی 23:‏ 23‏۔‏

 اَج وی صرف اوہی مذہب لوکاں نُوں خدا وَل لجاندا اے جدی تلیم بائبل دے مطابق اے‏۔‏ ‏(‏یوحنا 4‏:‏24؛ 17:‏17‏؛ 2-‏تیمُتھیُس 3:‏16، 17‏)‏ جیہڑے مذہباں دی تلیم بائبل دی تلیم نال میل نئیں کھاندی اوہ لوکاں نُوں خدا توں دُور کر دیندے نیں۔ بوہت سارے عقیدیاں بارے لوک سمجھدے نیں کہ ایہہ بائبل دے مطابق نیں پر اصل چ اوہناں دا تعلق جھوٹھے مذہب نال اے جیویں کہ انسان دے مرن توں بعد اوہدی روح زندہ رہندی اے، خدا انساناں نُوں دوزخ چ ساڑ دا اے تے تثلیث دا عقیدہ وغیرہ۔ بائبل چ لکھیا اے کہ جیس عبادت چ ایہو جہی تلیم دِتی جائے او فضول اے کیونکہ ایہدے چ خدا دے حکماں دی بجائے انسانی رویتاں تے زور دِتا جاندا اے۔‏‏—‏مرقس 7:‏7، 8‏۔‏

 خدا اوہناں لوکاں توں نفرت کردا اے جیہڑے مذہبی ہون دا دکھاوا کر دے نیں۔ ‏(‏طِطُس 1:‏16‏)‏ سچا مذہب خدا دے نیڑے جان چ لوکاں دی مدد کردا اے۔ ایہہ صرف رسماں یاں رویتاں تے زور نئیں دیندا سگوں لوکاں دی زندگی دے ہر پہلو تے اثر کردا اے۔ مثال لئی پاک کلام چ لکھیا اے:‏ جے کسے دا خیال اے کہ اوہ مذہبی اے پر اوہ اپنی زبان تے قابو نئیں رکھدا تے اصل چ اوہ اپنے آپ نُوں دھوکھ‌ا دے رہیا اے۔ اوہدی اوہ عبادت فضول اے۔ ساڈے خدا تے باپ دے نزدیک پاک صاف عبادت ایہہ وے کہ اَسی اوہناں یتیماں تے بیوہ عورتاں دی مدد کریئے جیہڑے دُکھ سہہ رہے نیں تے ایہدے نال نال اپنے آپ نُوں وی دُنیا توں بے داغ رکھئے۔‏‏—‏یعقوب 1:‏27،‏26‏؛، فٹ‌نوٹ۔‏