خدا دے کِنّے ناں نیں؟
پاک کلام دا جواب
خدا دا صرف اِکای ناں اے۔ عبرانی زبان چ خدا دے ناں نُوں اِنج لکھیا جاندا اے: יהוה۔ پنجابی زبان چ عام طور تے ایہنوں ”یہوواہ“لکھیا جاندا اے۔ a خدا نے اپنے اِک نبی یسعیاہ دے ذریعے آکھیا: یہوواہ مَیں آں۔ ایہو ای میرا ناں اے۔ (یسعیاہ 42:8) بائبل دے پرانے نسخیاں چ ایہہ ناں تقریباً 7000 واری آیا اے۔ بائبل چ خدا دے بوہت سارے لقب استمال کیتے گئے نیں پر ناں یہوواہ کسے وی لقب توں زیادہ واری استمال ہویا اے۔ نالے بائبل چ کسے وی ہور بندے دا ناں اینی واری نئیں آیا جِنّی واری خدا دا ناں یہوواہ آیا اے۔ b
کیہہ یہوواہ دے علاوہ خدا دے ہور وی ناں ہے نیں؟
جیویں کہ اَسی ویکھیا اے کہ بائبل دے مطابق خدا دا اِک ای ناں اے۔ پر ایہدے چ خدا لئی بوہت سارے ایہو جہے لقب وی استمال ہوئے نیں جنہاں توں اوہدیاں فرق فرق خوبیاں بارے پتہ چلدا اے۔ ذرا کجھ مثالاں تے غور کرو۔
لقب |
حوالہ |
مطلب |
---|---|---|
ابدیت دا بادشاہ |
مکاشفہ 15:3 |
اوہ ہمیشاں توں ای کائنات دا سب توں وڈا حکمران رہیا اے تے ہمیشاں رہوے گا۔ |
الفا تے اومیگا |
مکاشفہ 1:8؛ 21:6؛ 22:13 |
الفا تے اومیگا دا مطلب اے: ”پہلا تے آخری“ یاں ”آغاز تے اِختتام۔ “ایہدا مطلب اے کہ نہ تے یہوواہ توں پہلاں کوئی قادرِمطلق خدا ہے سی تے نہ ای اوہدے بعد کوئی ہوئے گا۔ (یسعیاہ 43:10) الفا یونانی حروفِتہجی دا پہلا حرف اے جد کہ اومیگا آخری حرف اے۔ |
باپ |
اوہ زندگی دین والا اے۔ |
|
چٹان |
زبور 18:2، 46 |
اوہ پناہگاہ تے نجات دا چشمہ اے۔ |
چرواہا |
زبور 23:1 |
اوہ اپنے بندیاں دا خیال رکھدا اے۔ |
خالق |
یسعیاہ 40:28 |
اوہنے ساریاں چیزاں بنائیاں نیں۔—مکاشفہ 4:11۔ |
خدا |
پیدایش1:1 |
اوہ ہستی جیہڑی عبادت دے لائق اے تے جدے چ بےپناہ طاقت اے۔ لفظ ”خدا“ لئی عبرانی چ لفظ ”اِلوہیم“استمال ہویا اے جیہڑا یہوواہ دی عزت، عظمت تے شان وَل اشارہ کردا اے۔ |
خدا تعالیٰ |
پیدایش 14:19 |
اوہ سب توں اُچی تے بلند ہستی اے۔ |
خداوند |
زبور 135:5 |
ایہدا مطلب ” مالک “ یاں ”آقا“ اے۔ عبرانی زبان چ خداوند لئی لفظ ”ادون تے ادونیم“ استمال ہوئے نیں۔ |
خداواں دا خدا |
یشوع 22:22 |
اوہ سب توں وڈا خدا اے۔ اوہ اوہناں بےکار تے بےجان معبوداں وانگوں نئیں جنہاں دی کجھ لوک عبادت کردے نیں۔—یسعیاہ 2:8۔ |
خوشدل خدا |
1-تیمُتھیُس 1:11 |
اوہ خوش رہندا اے۔—زبور 104:31 |
دُعا دا سنن والا |
زبور 65:2 |
اوہ ہر اوس دُعا نُوں سُن دا اے جیہڑی ایمان نال کیتی جاندی اے۔ |
ربُالافواج |
یسعیاہ 1:9 |
اوہ فرشتیاں دی اِک وڈی فوج دا کمانڈر اے۔ |
غیور |
خروج 34:14 |
اوہ ایہہ بالکل برداشت نئیں کردا کہ اوہدے علاوہ کسے ہور دی عبادت کیتی جائے۔ غیور دا ترجمہ اِنج وی کیتا گیا اے کہ ”اوہ چاہندا اے کہ صرف اوہدی بندگی کیتی جائے۔“—ترجمہ نوِیں دُنیا۔ |
فدیہ دین والا |
یسعیاہ 41:14 |
فدیہ اوہ قیمت ہوندی اے جیہڑی کسے بندے نُوں چھڈان، کسے چیز نُوں واپس لین یاں کسے نقصان نُوں بھرن لئی دِتی جاندی اے۔ خدا نے یسوع مسیح دا فدیہ دے کے انساناں نُوں گُناہ تے موت دی قید توں چھڈایا اے۔—یوحنا 3:16۔ |
قادرِمطلق |
پیدایش 28:3 |
اوہ لامحدود قدرت دا مالک اے۔ قادرِمطلق لئی عبرانی لفظ ”ایل شیدائی“ پاک کلام چ ستَ واری آیا اے تے ایہدا ترجمہ ”خدائےقادر،“ ”خدائےقادرِمطلق“ تے”قادرِمطلق خدا“ کیتا گیا اے۔ |
قدوس |
امثال 9:10 |
اوہ ہر لحاظ نال پاک اے تے پاکیزگی دے حوالے نال اوہدے برابر کوئی نئیں۔ |
قدیمالایّام |
دانیایل 7:9، 13، 22 |
اوہدا کوئی شروع نئیں۔ اوہ ہمیشاں توں موجود اے تے کوئی وی شے بنن توں پہلاں موجود سی۔—زبور 90:2۔ |
کائنات دا مالک |
اعمال 4:24 |
اوہ سب توں وڈا حکمران اے۔ ایس اِصطلاح لئی عبرانی زبان چ لفظ ”ادونائی “ استمال ہویا اے۔ |
کمیار |
یسعیاہ 64:8 |
جیس طرحاں اِک کمیار نُوں مٹی تے پورا اِختیار ہوندا اے اوسے طرحاں یہوواہ انساناں تے قوماں اُتے پورا اِختیار رکھدا اے۔—رومیوں 9:20، 21۔ |
مُعلم |
یسعیاہ 30:20، 21 |
اوہ سانوں فائدےمند تلیم دیندا اے تے ساڈی رہنمائی کردا اے۔—یسعیاہ 48:17، 18۔ |
مَیں جو آں سو مَیں آں |
خروج 3:14 |
ایس اِصطلاح دا مطلب صرف ایہہ نئیں کہ خدا موجود اے۔ ایہدے لئی عبرانی چ جیہڑی اِصطلاح استمال ہوئی اے اوہدا مطلب اے کہ یہوواہ اپنے مقصد نُوں پورا کرن لئی جو وی ضروری ہووے بن جاندا اے۔ ایس اِصطلاح دا ترجمہ اِنج وی کیتا گیا اے:”مَیں جو بننا چاہنا واں اوہ بناں گا۔“ (ترجمہ نوِیں دُنیا۔) ایس وضاحت دی مدد نال اَسی خدا دے ناں یہوواہ دا مطلب سمجھ سکنے آں۔ |
نجات دہندہ |
اوہ اپنے بندیاں نُوں خطریاں تے تباہی توں بچاندا اے۔ |
عبرانی صحیفیاں چ کجھ تھانواں دے ناں
بائبل چ بوہت ساریاں ایسیاں تھانواں دا ذکر آیا اے جنہاں دے ناواں چ خدا دا ناں استمال ہویا اے۔ پر ایہہ ناں خدا دے ذاتی ناں دی جگہ استمال نئیں ہوندے۔
جگہ دا ناں |
حوالہ |
مطلب |
---|---|---|
یہوواہ سلوم |
قضاۃ 6:23، 24 |
ایہدا مطلب اے:” یہوواہ سلامتی اے۔“ |
یہوواہ نسی |
خروج 17:15 |
ایہدا مطلب اے: یہوواہ میرا جھنڈا اے۔ (نیو اُردو بائبل ورشن) خدا دے بندے مدد تے حفاظت لئی اوہدے کول جمع ہو سکدے نیں۔—خروج 17:13-16۔ |
یہوواہیری |
پیدایش 22:13، 14 |
ایہدا مطلب اے: ”یہوواہ مہیا کرن والا اے۔“ |
سانوں کیوں خدا دا ناں جاننا تے استمال کرنا چاہی دا اے؟
خدا چاہندا اے کہ لوک اوہدا ناں یہوواہ جانن۔ ایس لئی اوہنے پاک کلام چ اپنا ناں ہزاراں واری لکھوایا اے۔—ملاکی 1:11۔
یسوع مسیح نے وار وار خدا دے ناں دی اہمیت تے زور دِتا۔ مثال لئی اوہنے یہوواہ کولوں دُعا کردے ہوئیاں کہیا: ”تیرا ناں پاک منیا جائے۔“—متی 6:9؛ یوحنا 17:6۔
جے اَسی یہوواہ نال دوستی کرنا چاہنے آں تے ایہدے لئی ضروری اے کہ پہلے اَسی اوہدا ناں جانیے تے ایہنوں استمال کریئے۔ (زبور 9:10؛ ملاکی 3:16) جیہڑے لوک اِنج کردے نیں اوہ یہوواہ دے ایس وعدے توں فائدہ حاصل کر دے نیں: ”کیونکہ اوہنے میرے نال دل لایا اے ایس لئی مَیں اوہنوں چھڈاواں گا۔ مَیں اوہدی حفاظت کراں گا کیونکہ اوہنے میرا ناں پچھانیا اے۔—زبور 91:14۔
پاک کلام چ لکھیا اے: ”بوہت ساریاں چیزاں نُوں خدا سمجھیا جاندا اے بھانویں کہ اوہ اسمان اُتے ہون یاں زمین اُتے۔ تے واقعی بوہت سارے خدا تے مالک ہے وی نیں۔“ (1-کُرنتھیوں 8:5، 6) پر پاک کلام چ ایہہ صاف صاف دَسیا گیا اے کہ صرف اِک ای سچا خدا اے جدا ناں یہوواہ اے۔—زبور 83:18۔