Aun dän 27. Jaunewoa 2023 woaren väl Menschen dän Dach fieren, waut International Holocaust Remembrance Day jenant woat. Daut es toom aun daut schlemme un schrakjelje denkjen, waut äwa 75 Joa trigj passieed en dän Tweeden Weltkjrich, waut uk Holocaust jenant woat. Veleicht denkjst du, wuarom Gott daut tooleet, daut dit passieed.

•   Toom mea lieren, waut de Schreft doaräwa sajcht, läs dän Artikjel “Wuarom leet Gott daut too, daut en de Tiet vom Tweeden Weltkjrich soo väle dootjemoakt worden?”

 De Juden musten grulich sea lieden en de Tiet von dän Holocaust, wua daut aunjestalt wort, daut Millionende met Fliet dootjemoakt worden. En dise Tiet worden uk Menschen von aundre Gruppen vefolcht un dootjemoakt. Doa wieren uk Jehova siene Zeijen met en wäajen äaren Gloowen.

•   Toom noch mea doaräwa lieren, läs dän Artikjel “Waut wort met Jehova siene Zeijen en de Tiet von dän Tweeden Weltkjrich?”

 Väl Menschen haben Angst, daut soont aus de Holocaust wada passieren kunn. Oba de Schreft wiest, daut doa boolt woat eene Tiet komen, wua nich mea soon schlemmet passieren woat.

•   “Ekj hab daut goot äwajedocht, sajcht de HAR [Jehova], un waut ekj fa junt jeplont hab, es Fräd un Erfolch, un nich Schoden. Ekj well junt eene Tookunft un Hopninj jäwen” (Jeremia 29:11, PB). a

 Dise Hopninj woat sikj erfellen, wan Jehova Gott met aul daut grausome een Enj moaken woat un aul dän Schoden fiksen woat. Waut woat Gott boolt doonen?

•   Hee woat met aul dee Menschen eenen Enj moaken, waut aundre schlajchtet aundoonen (Spricha 2:22).

•   Hee woat aul dee heelen, waut lieden musten (Openboarunk 21:4).

•   Hee woat aul dee, waut jestorwen wieren, wada hia oppe Ieed toom Läwen brinjen (Johanes 5:28-29).

 Du kaust die gaunz opp de Hopninj un dän Troost veloten, waut de Schreft jeft. Toom mea doaräwa lieren, wurscht du wellich kjennen met eenen Bibelliera toop de Bibel studieren.