Wäa es Gott?
Väle sajen, see jleewen aun Gott. Oba froag dee mol, wäa Gott es, un du woascht veschiedne Auntwuaten kjrieen. Fa eenje es Gott een strenja Rechta, waut Menschen bloos strofen well. Aundre wada jleewen, daut hee emma leeftolich es un eenem aules togood helt, endoont waut eena deit. Un noch aundre denkjen, daut Gott wiet auf es un nuscht om ons romjeft. Bie soo väl veschiedne Meenungen es daut kjeen Wunda, daut väle jleewen, eena kaun bloos nich weeten, wäa Gott es.
Es daut wichtich to weeten, wäa Gott es? Jo, secha. Wan eena daut weet, kaun eenem sien Läwen väl mea enhoolen (Aposteljeschicht 17:26-28). Je noda du Gott kjemst, je dolla woascht du siene Leew un Help späaren (Jakobus 4:8). Un aul dee, waut Gott goot kjanen, kjennen daut eewje Läwen kjrieen (Johanes 17:3).
Woo kaust du Gott kjanen lieren? Hast du eenen gooden Frint? Woo es daut dien Frint jeworden? Secha lieezhd du daut ieeschte, woo dee heet un uk, woo dee es, waut dee jleicht un waut nich, waut dee aul aules jedonen haft un waut dee noch well un soo wieda. Doaderch, daut du dän bäta kjanen lieezhd, es daut dien Frint jeworden.
Krakjt soo kaun eena Gott kjanen lieren, wan eena mea äwa dän weet, soo aus:
Dise Tietschreft wiest, waut de Schreft äwa dise Froagen sajcht. Hia bennen kaust du seenen, wäa Gott es un waut hee die aules jäwen woat, wan du sien Frint woascht.
Veleicht jleichst du uk dit
DE WOAKTORM
Waut es Gott sien Nomen?
Hast du jewist, daut de Nomen waut Gott haft, bloos fa am paust?
