SONG 58
Sucha fa Leit es Fridda Vella
-
1. Breddich di voahret, vi da Jesus hott.
Di hitz un kald henn een nett kshtobt
funn shvetza zu di leit veyyich Gott.
Eah hott feel leevi katt fa Gott sei shohf.
Eah’t ksucht fa leit alli dawk funn
free biss ohvet shpoht.
So in di shtrohs un haus zu haus,
Di voahret vatt gebreddicht nau
Es awl di shlechti sacha zayla glei gay.
(CHORUS)
Miah sucha nau
Di veld fa leit es fridda vella,
Miah sucha nau
Fa awl di leit es recht du vella,
Miah vella kenn
Mensh fafayla.
-
2. Koss’s end so nayksht is, sucha miah fa leit.
Miah gevva alles es miah henn
vann sell maynd ebbah kann ksayft sei.
Leevi is vass uns viddah zrikk gay macht.
Koss en vay hatz kann kayld sei
un layva bessah gmacht.
Miah sucha gans deich alli shtatt,
Un vann en goot hatz kfunna vatt,
Sell gebt uns joy un dutt uns helfa on gay.
(CHORUS)
Miah sucha nau
Di veld fa leit es fridda vella,
Miah sucha nau
Fa awl di leit es recht du vella,
Miah vella kenn
Mensh fafayla.
(Gukket aw Jesoiya 52:7; Matthäus 28:19, 20; Lukas 8:1; Römer 10:10.)