Ngmla ta el molatk el kirel a chouaika el ker? A lsekum e nguaisei, e ngdiak el di el kau el tang. A rechad el meliuekl er a beluulechad el rokir a melebedebek a meklou a ultutelel el ker el kirel a klengar. Ngsebechem el metik a nger er aika el ker?

A rebetok el miliol a mo kmo, “Chochoi!” E ngera uchul? E le te mla metik a ulterekokl el nger er a kerrir el ngar er a Biblia. Ngsoam el mo medengei a lolekoi a Biblia? A lsoam, e ngsebechem el mo ngmai a klungiolem er a diak locheraol el prokuram er a omesubel a Biblia el loruul er ngii a Resioning er a Jehovah. *

Nguaisei, sel bo dosaod er a Biblia, e a rebebil a mo melekoi el kmo: “Ak kmal mechesang” me a lechub e “Ngkmal meringel” me a lechub e “Ngmeringel er ngak el kongei el meruul er a kmung ngerang el diak kudengei el kmo ngsebechek el rullii ngdiak.” Engdi a rebebil a kuk ngodech a uldesuir. Te kongei er a techall el mo mesuub el kirel aike el lolisechakl a Biblia. Ka momtab a bebil er aika el olechotel:

• “Ak mlo er a ikelesia er a Katolik me a Protestant, me a templo er a klechelid er a India el Sikh, me a blirir a re monk el Buddhist, e milsuub el kirel a klechelid er a kngar er a daingak. Engdi ngbetok el tekoi el mle rrau a renguk er ngii el kirel a Dios a dimlak betik a nger er ngii. E sola e a ta er a Sioning er a Jehovah a mle oldingel er a blik. Ngkmal mlo mechas a renguk er a nger er ngii el milengai er a Biblia, me ak kilengei el mo mesuub.”​—Gill, England.

• “Ngkmal mle betok a kerik el kirel a klengar, engdi a bastor er a ikelesia er ngak a dimlak el bleketakl a nger er ngii. Engdi a ta er a Sioning er a Jehovah a mle sebechel el onger aika el kerik el di uluusbech er a Biblia. Me sera loker er ngak el kmo ngsoak el mo medengei a lmuut el betok, e ngkmal mlo ungil a renguk e kilengei er ngii.”​—Koffi, Benin.

• “Ngkmal mle soak el mo medengei el kmo ngera duubech el mo er a rechad sel lemad. Ak uluumerang el kmo a rulekoad a sebechir el tomelleterir a redingar, engdi ngmle soak el mo medengei a lolekoi a Biblia el kirel. Me ak mlo omuchel el mesuub er a Biblia el obengkel a sechelik el ngii a ta er a Sioning.”​—José, Brazil.

• “Ak millasem el menguiu er a Biblia engdi ngdimlak el sebechek el mo medengei a belkul a tekoi el kulenguiu. E sola e a Resioning er a Jehovah a mle oldingel er a blik e kmal mlo bleketakl a omesodir el kirel a bebil er a ulaoch er a Biblia. Ngmle soak el lmuut el mo medengei el kmo ngera bebil er a tekoi el sebechek el suub.”​—Dennize, Mexico.

• “Ak mlo melatk el kmo a Dios ngmera el omekerreu er ngak ngdiak. Me ak milluluuch el mo er a Dios. E a bo el kukuk e a ta el Sioning a millengod er a chesimer er a blik, me ak kilengei el mo mesuub er a Biblia.”​—Anju, Nepal.

Aika el tekoi el dilubech el mo er tirka el chad a mekltkid er a tekingel a Jesus el kmo: “Te ngeltengat a re medengei el kmo te chebuul a lak lousbech er a Dios.” (Mateus 5:3) Nguaisei, a rechad a kirir el mo medengelii a Dios. Me ngdi ta el Dios a sebechel meskid a klemedengei el kirel, ngmeruul er tiang el okiu a Tekingel el Biblia.

Me a leuaisei, e ngera uldimukl er a omesubel a Biblia? Ngmekerang e sebechel el mo uchul a klungiolem? Aika el ker a sebeched el mo metik a nger er ngii er a ongingil el suobel.