Ngar er Ker a Dios?
Ngar er Ker a Dios?
Ngar er a 8:46 er a tutau er a September 11, 2001, e a klou el skoki a milungii er a klou el blai er a World Trade Center er a New York City, me ngulemuchel a odelecheklir a remekngit el chad. Ngdi mle chelsel a ta el sikang me a 42 el bung, e a bekord el 3,000 el chad a mlad.
December 26, 2004
A desiu el mle 9.0 a klisichel a mlo er ngii er a chelsel a daob er a Indian Ocean el mlo uchul e a meklou el chedesaoch a tilemall a 11 el beluu el uldimukl er a Africa el ngii a mle 3,000 el mael a cherridel er tia el basio. Ngdi mle chelsel a ta el sils e a 150,000 el chad a mlad me a remlo dibus, e dirrek el betok er a ta el miliol a urriid a delengcheklir.
Sera August 1, 2009 e a 42 a rekil el chad a ulemekall er a jet-ski el oltak er a 5 a rekil el ngelekel el sechal e milungii er a cheldukl. A chedam a mlad er sel sils engdi a ngelekel a mlad er a ongingil el sils. A ta er a chederir a melekoi el kmo: “Aki ulemdasu el kmo ngmo er ngii a mengasireng el tekoi me ngsuobel ngika el buik.”
Sel monguiu el kirel a omerellir a remekngit el chad me a lechub, e ngike el telemellel a beluu me a lechub e ngbetok el chelebuul el kau a mlo chelebangel, e ke locha mo melatk el kmo ngika el Dios ngsebechel el mes aika el rokui? Me a lechub e ke mo melatk el kmo nglocha mla choitid? Ngkmal el sebeched el metik a nger el mengelaod a rengud el ngar er a chelsel a Biblia.
[Credit Line]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures