E kurso di Beibel ku Testigunan di Yehova ta ofresé ta yuda hende haña sa loke Beibel ta siña. E kurso di Beibel por yuda bo:

•   Ta felis

•   Bira amigu di Dios

•   Siña loke Beibel ta primintí pa futuro

Riba e página akí

•  Kon un kurso di Beibel ta bai?

•  Mi mester paga pa e kurso di Beibel?

•  Kon largu e kurso ta dura?

•  Kiko mi tin ku hasi pa haña un kurso di Beibel?

•  Mi por wak promé kon un kurso di Beibel ta bai?

•  Si mi aseptá pa studia Beibel ku Testigunan di Yehova, mi mester bira un Testigu di Yehova?

•  Mi por usa mi mes Beibel?

•  Mi por invitá otro hende sigui e kurso di Beibel huntu ku mi?

•  Si mi a yega di studia Beibel ku Testigunan di Yehova den pasado, mi por kuminsá studia atrobe?

•  Mi por sigui un kurso di Beibel sin un instruktor, òf maestro?

 Na un manera interaktivo, un maestro lo yuda bo siña konosé Beibel mihó. Lo usa e publikashon “Bo Por Disfrutá di Bida pa Semper!” E  publikashon ei ta kontené vários tópiko ku ta splika bo kiko Beibel ta siña i kon Beibel por yuda nos. Pa haña sa mas, wak e siguiente vidio.

 Nò. Nos ta sigui e instrukshon ku Hesus a duna su disipelnan: “Boso a risibí pòrnada, duna pòrnada.” (Mateo 10:8) Nos instruktornan no ta risibí pago. Ademas, nos no ta kobra pa Beibel ni pa e publikashon “Bo Por Disfrutá di Bida pa Semper!”

 E kurso kompleto ta konsistí di 60 lès. Un persona mes ta disidí kuantu tempu e ta studia pa siman. Hopi studiante ta haña ku un òf mas lès pa siman ta bon pa nan.

1.  1. Bo por yena e formulario ku tin online. Nos lo usa bo informashon personal solamente pa tuma kontakto ku bo.

2.  2. Un instruktor lo tuma kontakto ku bo. E instruktor lo splika bo kon e kurso di Beibel interaktivo ta bai, i lo e kontestá kualke pregunta ku lo bo tin.

3.  3. Bo por palabrá ku e instruktor ki dia i ki ora bo por sigui e kurso. E instruktor por bini bo kas òf bai un otro lugá ku bo ta deseá pa duna bo e kurso. Otro posibilidat ta via telefòn, yamada di vidio, via pòst òf e-mail. Normalmente, un lès ta dura mas o ménos un ora, pero e por dura mas kòrtiku òf mas largu tambe. Ta dependé di bo programa.

 Sí. Bo por yena e formulario online. Ora un instruktor tuma kontakto ku bo, bo por bis’é ku bo ke djis wak kon un kurso di Beibel ta bai promé ku bo tuma un desishon. E instruktor, sea hende hòmber òf hende muhé, lo trata e promé tres lèsnan di e foyeto Bo Por Disfrutá di Bida pa Semper! pa bo por haña un idea kon e kurso ta bai.

 Nò. Testigunan di Yehova gusta siña hende tokante Beibel, pero nunka nos lo no fòrsa niun hende pa nan bira Testigu di Yehova. Nos ta mustra hende loke Beibel ta bisa, i nos ta respetá e derecho ku kada persona tin di disidí pa su mes loke e ta kere.—1 Pedro 3:15.

 Sí. Bo por usa kualke Beibel ku bo ta deseá. Nos ta gusta usa E Tradukshon di Mundu Nobo di e Santu Skritura, ku ta un Beibel eksakto i fásil pa komprondé, pero hopi hende ta preferá di usa un Beibel ku nan ta kustumbrá kuné. Nos ta komprondé esei.

 Sí. Henter bo famia por partisipá. Bo por asta invitá otro miembro di famia òf amigu pa partisipá.

 Sí. Kisas, lo bo disfrutá mas di e kurso di Beibel akí pasobra el a ser adaptá na e nesesidatnan di hende den nos tempu. Durante e kurso, nos lo hasi mas uso di plachi i vidio. Aktualmente, e kurso ta mas interaktivo ku e kursonan di Beibel ku nos tabata duna ántes.

 Sí. Nos tin ku bisa sí ku mayoria di studiante ta haña ku nan ta siña mas ku yudansa di un instruktor. Pero nos ta komprondé ora un persona ta preferá di studia Beibel riba su mes promé. Riba nos página “Material pa Studia Beibel,” tin un lista di publikashon ku por yuda bo den bo kurso di Beibel. At’akí algun informashon ku lo por yuda bo:

•   Vidio Basá Riba Beibel. E vidionan kòrtiku akí ta usa Beibel pa kontestá pregunta importante.

•   Pregunta Ku Beibel Ta Kontestá. Haña kontesta ku Beibel ta duna tokante vários tópiko.

•   Splikashon di Teksto di Beibel. Haña splikashon di teksto di Beibel i di frase den Beibel ku hende sa usa hopi.