Introdukshon di Buki di Beibel

Introdukshon di e buki di Génesis

Génesis ta duna nos informashon importante tokante e orígen di humanidat i tambe kon sufrimentu i morto a kuminsá.

Introdukshon di e buki Éksodo

E buki Éksodo ta mustra kon Dios a libra e israelitanan for di sklabitut na Egipto i hasi nan un nashon ku ta rindi adorashon na dje.

Introdukshon di e Buki Levítiko

Levítiko ta splika ku Dios ta santu i dikon ta importante pa nos tambe ta santu.

Introdukshon di e Buki Numbernan

Wak dikon ta importante pa obedesé Yehova i respetá e personanan ku Yehova a nombrá pa dirigí su pueblo.

Introdukshon di e Buki Deuteronomio

Manera e vidio ta mustra, e leinan ku Yehova a duna Israel a reflehá kuantu e tabata stima su pueblo.

Introdukshon di e Buki Hosue

Wak kon e nashon di Israel a konkistá i repartí e pais ku Dios a duna nan.

Introdukshon di e buki Huesnan

E buki interesante akí a haña su nòmber debí na algun hòmber fiel ku Yehova a usa pa libra e israelitanan for di man di enemigu.

Introdukshon di e Buki Rut

E buki Rut ta mustra kon un biuda hóben a hasi sakrifisio pa asina yuda su suegra kende tambe tabata biuda. Yehova a bendishoná tur dos.

Introdukshon di 1 Sámuèl

Promé Sámuèl ta resaltá un kambio importante den historia di Israel, esta, kon e reinan a kuminsá goberná na Israel na lugá di e huesnan ku tabata dirigí Israel.

Introdukshon di 2 Sámuèl

Lesa tokante David, un hòmber humilde i fiel i haña sa dikon e tabata un di e personahenan bíbliko mas stimá i konosí den Beibel.

Sigui e historia di Israel: Bou di gobernashon di Sálomon, tabata reina pas i trankilidat na Israel, i e hendenan tabatin un bida kómodo. Sinembargo, mas despues, tabatin masha hopi problema entre e reino di Israel i e reino di Huda.

Introdukshon di 2 Reinan

Hopi hende ku tabata kai bou di Israel su reino di nort a bira lomba pa Yehova. Sinembargo, Yehova a bendishoná e poko israelitanan ku sí tabata ador’é ku henter nan kurason.

Introdukskhon di 1 Krónikanan

Wak e liña di desendensia di Rei David, kende tabata un fiel sirbidó di Dios, i sigui su historia, for di tempu ku el a bira rei te dia ku el a muri.

Introdukshon di 2 Krónikanan

Mira kon historia di e reinanan di Huda ta enfatisá e importansia di keda leal na Dios.

Introdukshon di Èsdras

Yehova ta kumpli ku su promesa di libra su pueblo for di eksilio na Babilonia i restorá adorashon berdadero na Herúsalèm.

Introdukshon di Nehemías

E buki di Nehemías ta duna lèsnan balioso pa tur sirbidó fiel awe.

Introdukshon di Èster

E suseo dramátiko den dia di Èster lo fortalese bo fe den Yehova Dios su abilidat di salba su pueblo den pruebanan awe.

Introdukshon di Jòb

Tur hende ku ta stima Yehova lo haña nan ku prueba. E relato di Jòb ta duna nos e konfiansa ku nos por mantené nos integridat i apoyá e soberania di Yehova.

Introdukshon di Salmo

E buki di Salmo ta apoyá Yehova su soberania, e ta yuda i konsolá esnan ku ta stim’é i ta mustra kon mundu lo kambia pa medio di su Reino.

Introdukshon di Proverbionan

Haña guia divino pa tur aspekto di bo bida, for di asuntunan di negoshi te ku asuntunan di famia.

Introdukshon di Eklesiástes

Rei Sálomon ta pone énfasis riba e kosnan di bida ku di bèrdat ta importante i e ta hasi un kontraste ku e kosnan ku ta bai kontra di e sabiduria di Dios.

Introdukshon di e Buki Kantika di Sálomon

Dikon a deskribí e amor berdadero di e sulamita pa e wardadó di karné komo “e vlam di” Yah?

Introdukshon di e buki di Isaías

Isaías ta un buki ku profesianan ku sigur lo fortalesé bo konfiansa den Yehova komo esun ku ta kumpli ku su palabra i nos Dios di salbashon.

Introdukshon di e Buki di Yeremías

Yeremías a kumpli ku su asignashon fielmente apesar di difikultat. Pensa kon su ehèmpel por yuda kristiannan awe.

Introdukshon di e Buki di Lamentashonnan

Yeremías a skirbi e buki. E ta ekspresá su tristesa pa e destrukshon di Herúsalèm i ku arepentimentu ta hiba na miserikòrdia di Dios.

Introdukshon di e Buki di Ezekiel

Ku kurashi i humildat Ezekiel a kumpli ku tur loke Yehova mand’é hasi, sin importá kon difísil nan tabata. Nos por siña di su ehèmpel.

Introdukshon di e Buki di Daniel

Daniel i su amigunan a keda fiel na Yehova bou di tur sirkunstansia difísil. Nan ehèmpel i kumplimentu di profesia ta yuda nos awor, den tempu di fin.

Introdukshon di e Buki di Oséas

E profesia di Oséas ta siña nos kon Yehova ta demostrá miserikòrdia na pekadónan ku arepentí i kon e ke pa nos ador’é.

Introdukshon di e Buki di Yoël

Yoël a profetisá tokante e dia di Yehova ku ta na kaminda i a bisa kiko nos mester hasi pa nos por sobrebibí.

Introdukshon di e Buki di Ámos

Yehova a usa e hòmber humilde akí pa hasi un trabou importante. Ki lèsnan importante nos por siña for di e ehèmpel di Ámos?

Introdukshon di e Buki di Abdías

E buki mas kòrtiku den e Skritura Hebreo. E profesia akí ta duna nos un speransa i ta primintí ku Yehova lo vindiká su soberania.

Introdukshon di e Buki di Yonas

Profeta Yonas a aseptá korekshon, kumpli ku su asignashon i siña un lès importante tokante Dios su miserikòrdia i amor leal. Su historia ta emoshonante pa lesa.

Introdukshon di e Buki di Mikéas

E profesia akí inspirá di Dios, ta fortalesé nos konfiansa ku Yehova ta pidi nos solamente loke ta rasonabel i benefisioso.

Introdukshon di e Buki di Nahum

E profesia ta duna nos konfiansa ku Yehova semper lo kumpli ku su palabra i ku e ta perkurá konsuelo pa tur hende ku buska pas i salbashon bou di su Reino.

Introdukshon di e Buki di Habakuk

Nos por tin konfiansa ku Yehova semper sa ki ta e mihó momento i mihó manera pa salba su pueblo.

Introdukshon di e Buki di Ageo

E profesia di Ageo ta mustra e importansia di pone adorashon di Dios promé ku nos propio interesnan.

Introdukshon di e Buki di Zakarías

Un seri di vishon i profesia impreshonante ku a fortalesé e pueblo di Dios den pasado. E profesianan akí tambe ta duna nos e siguransa ku nos tin e apoyo di Dios awe.

Introdukshon di e Buki di Malakías

E buki di Malakías ta papia tokante Yehova su prinsipionan, miserikòrdia i amor. E profesia aki ta siña nos lèsnan importante pa nos tempu.

Introdukshon di e Buki di Mateo

Lo bo disfrutá di siña informashon básiko tokante e buki akí, e promé di e kuater Evangelionan.

Introdukshon di e Buki di Marko

Marko ta e Evangelio di mas kòrtiku. Su relato ta duna nos un bistaso di kiko Hesus lo hasi komo Rei di e Reino di Dios.

Introdukshon di e Buki di Lukas

Ki detaye nos ta haña solamente den e Evangelio di Lukas?

Introdukshon di e Buki di Huan

E relato di Huan ta resaltá e amor ku Hesus tin pa hende, su ehèmpel di humildat i su ròl komo e Mesías, e Rei di e Reino di Dios.

Introdukshon di Buki di Echonan di e Apòstelnan

E kristiannan di promé siglo a hasi hopi esfuerso pa hasi hende di tur nashon disipel. E buki di Echonan ta oumentá nos zelo i entusiasmo pa sirbishi.

Introdukshon di e Buki di Romanonan

Instrukshon divino enkuanto Yehova su imparsialidat i e importansia di pone fe den Hesukristu.

Introdukshon di Buki di 1 Korintionan

Pablo su karta ta inkluí konseho inspirá tokante kon pa keda uní, kon pa keda moralmente limpi, kon pa demostrá amor i tokante resurekshon.

Introdukshon di 2 Korintionan

Yehova, e “Dios di tur konsuelo,” ta fortalesé i sostené su sirbidónan.

Introdukshon di e Buki di Galationan

E karta ku Pablo a skirbi na e galationan ta mes aplikabel awe ku tempu el a ser skirbí pa promé biaha. E por yuda tur kristian berdadero keda fiel na Yehova.

Introdukshon di e Buki di Efesionan

E karta inspirá akí ta resaltá Dios su propósito pa trese pas i union mediante Hesukristu.

Introdukshon di e Buki di Filipensenan

Ora nos para firme bou di prueba, nos por animá otro hende pa nan tambe para firme.

Introdukshon di e Buki di Kolosensenan

Nos ta agradá Yehova, ora nos ta apliká loke nos ta siña, ta pordoná otro libremente i ta aseptá e posishon i outoridat ku Hesus tin.

Introdukshon di Promé Tesalonisensenan

Nos mester keda spiritualmente lantá, “hasi sigur di tur kos,” “hasi orashon konstantemente” i animá otro.

Introdukshon di 2 Tesalonisensenan

Pablo a korigí e rumannan su punto di bista robes tokante yegada di e dia di Yehova i a animá nan pa keda fiel na Dios.

Introdukshon di e buki di 1 Timoteo

Pablo a skirbi 1 Timoteo pa establesé prosedura organisatorio den e kongregashonnan i pa spièrta hende kontra siñansa falsu i amor pa plaka.

Introdukshon di 2 Timoteo

Pablo a animá Timoteo pa kumpli ku su sirbishi kabalmente.

Introdukshon di e Buki di Tito

E karta ta trata algun problema ku tabatin den e kongregashon di Kreta i ta duna e rekisitonan spiritual ku ansiano mester kumpli kuné.

Introdukshon di e Buki di Filemon

E karta kòrtiku pero impaktante akí ta kontené algun lès práktiko tokante humildat, bondat i pordon.

Introdukshon na Hebreonan

Adorashon kristian ta basá riba kos muchu mas grandi ku edifisio di tèmpel i sakrifisio di bestia.

Introdukshon di e Buki di Santiago

Santiago ta usa ilustrashon bibu pa siña hende prinsipio kristian importante.

Introdukshon di e Buki di 1 Pedro

Pedro su promé karta ta animá nos pa keda aktivo i pa nos tira tur nos inkietutnan riba Dios.

Introdukshon di e buki di 2 Pedro

E di dos karta di Pedro ta animá nos pa keda fiel segun ku nos ta warda un shelu nobo i tera nobo.

Introdukshon di 1 Huan

Huan su karta ta spièrta nos kontra antikristu i ta yuda nos mira loke nos mester stima i loke nos mester repudiá.

Introdukshon di 2 Huan

E di dos karta di Huan ta kòrda nos ku nos mester sigui kana den e bèrdat i ku nos mester protehá nos mes kontra gañadó.

Introdukshon di 3 Huan

E di tres karta di Huan ta siña nos un bunita lès di hospitalidat.

Introdukshon di e buki di Hudas

Hudas ta saka na kla e maneranan malbado di hende ku ta purba di gaña i korumpí e kristiannan.

Introdukshon di e buki di Revelashon

E vishonnan den Revelashon ta indiká kon e Reino di Dios lo kumpli ku e propósito ku Dios tin pa humanidat i pa tera.

Otro Artíkulo Interesante

Skohe un Idioma

Kompartí