TÓPIKO PRINSIPAL: KIKO NOS POR SIÑA FOR DI MOISES?
Ken Moises Tabata?
Kiko ta bini na bo mente ora bo tende e nòmber Moises?
-
E bebi ku su mama a skonde den un makutu kantu di Riu Nilo?
-
E mucha hòmber ku yu muhé di Fárao a lanta den e bida di luho di Egipto, pero ku nunka a lubidá ku e tabata un israelita?
-
E hòmber ku a biba pa 40 aña komo wardadó di karné na Madian?
-
E hòmber ku tabatin un kòmbersashon ku Yehova * dilanti di un mata na kandela?
-
E hòmber ku a enfrentá e rei di Egipto i ku kurashi a pidié pa libra e israelitanan for di sklabitut?
-
E hòmber ku Dios a manda pa anunsiá e dies plaganan ku lo a bini riba Egipto ora e rei di e nashon akí a desafiá e Dios berdadero?
-
E hòmber ku a saka e israelitanan na un manera espektakular for di Egipto?
-
E hòmber ku Dios a laga parti Laman Kòrá na dos?
-
E hòmber ku a duna e israelitanan e dies mandamentunan di Dios?
MOISES a hasi tur esei i hopi mas. No ta nada straño ku hende kristian, hudiu i mòslem tin un gran rèspèt pa e hòmber fiel akí!
Sin duda, Moises tabata un profeta ku a hasi “kosnan grandi i impreshonante.” (Deuteronomio 34:10-12, BPK) El a laga Dios us’é na un manera poderoso. Ma Moises tabata un hòmber masha gewon. Meskos ku profeta Elías—kende a aparesé banda di Moises den un vishon durante Hesus su sirbishi riba tera—Moises tabata un hòmber “ku e mesun sintimentunan ku nos.” (Santiago 5:17; Mateo 17:1-9) El a pasa den hopi di e problemanan ku nos ta haña nos kuné awe, i el a vense nan ku éksito.
Bo ke sa kon el a logra esei? Laga nos analisá tres di e bon kualidatnan ku Moises a demostrá i kiko nos por siña for di su ehèmpel.
^ par. 7 Segun Beibel, Yehova ta e nòmber di Dios.
