KANTIKA 139
Imaginá Bo den e Mundu Nobo
-
1. Imaginá bo mes ayá
den Dios su gran paradeis restorá.
Felisidat, trankilidat,
por fin nos sa ki’ ta libertat.
Ningun maldat ni opresor
pa stroba⁀e Reino di nos Señor.
Tur kos primintí nos ta wak realisá,
i⁀un gritu felis di
nos pechu ta⁀ekspresá:
(REFREIN)
“Yehova nos Dios, bèrdat bo ta bon!
B’a renobá tur bo gran kreashon.
Awor nos kurason ta yená ku⁀emoshon;
bo gloria i⁀onor nos ke halsa den kansion.”
-
2. Imaginá nos tur ayá;
tur kos ta limpi, tur kos ta drechá.
Preokupashon, miedu, doló
a disparsé sin niun rastro⁀awor.
Nos soño ya ta realidat
i Dios su tènt ta ku⁀humanidat.
Awor asta morto lo resusitá
pa huntu ku nos
nan por kanta⁀i alabá:
(REFREIN)
“Yehova nos Dios, bèrdat bo ta bon!
B’a renobá tur bo gran kreashon.
Awor nos kurason ta yená ku⁀emoshon;
bo gloria i⁀onor nos ke halsa den kansion.”
(Wak tambe Sal. 37:10, 11; Isa. 65:17; Huan 5:28; 2 Ped. 3:13.)
